217

Árþúsund:	1. árþúsundið
Aldir:	2. öldin; 3. öldin ; 4. öldin;
Áratugir:	191–200; 201–210; 211–220; 221–230; 231–240;
Ár:	214; 215; 216; 217; 218; 219; 220;

217 (CCXVII í rómverskum tölum) var 17. ár 3. aldar og hófst á miðvikudegi samkvæmt júlíanska tímatalinu. Í Rómaveldi var það þekkt sem ræðismannsár Praesens og Extricatusar eða sem 970 ab urbe condita. Það hefur verið þekkt sem árið 217 frá því snemma á miðöldum þegar Anno Domini-tímatalið, hið Kristna tímatal, var tekið upp í Evrópu.

Atburðir

8. apríl - Caracalla var myrtur af hermönnum sínum við Edessa. Foringi Pretóríuvarðarins, Marcus Opellius Macrinus, lýsti sig keisara.
Julia Domna, móðir Caracalla, framdi sjálfsmorð þegar hún frétti lát sonar síns.
Sumarið - Orrustan við Nisibis: Macrinus var sigraður eftir þriggja daga orrustu við Parþa.
Artabanus 5., konungur Parþa, gerði friðarsamning við Rómaveldi og fékk 200 milljón sestertur í bætur fyrir stríðið í Parþíu.
Hringleikahúsið Colosseum eyðilagðist í eldi eftir að eldingu laust niður í það.
20. desember - Kallixtus 1. var kjörinn páfi en Hippólýtus af Róm gerðist mótpáfi í andstöðu við hann.

Fædd

Fu Xuan, kínverskt skáld (d. 278).
Hua He, ráðherra í Wu (d. 279).
Jia Chong, herforingi Jin-veldisins (d. 282).
Wang Yuanji, eiginkona herforingjans Sima Zhao (d. 268).

Dáin

8. apríl - Caracalla, Rómarkeisari (f. 188).
Sefýrínus páfi.
Chen Lin, ráðherra Hanveldisins.
Julia Domna, keisaraynja í Róm (f. 170).
Ling Tong, herforingi Sun Quan (f. 189).
Lu Su, ráðgjafi Sun Quan (f. 172).
Sima Lang, embættismaður Hanveldisins (f. 171).
Wang Can, kínverskt skáld og embættismaður Cao Wei (f. 177).