Ólafur Th Ólafsson
Ólafur Th Ólafsson myndlistarmaður f. 3.10.1936, d. 16.11 2019. Ólafur ólst upp í Hafnarfirði en bjó lengst af á Selfossi, flutti þangað með fjölskyldu sína til 1965. Ólafur útskrifaðist úr Myndlista- og handíðaskóla Íslands 1979. Hann hélt allmargar einkasýningar á verkum sínum og tók þátt í samsýningum á Selfossi og í Reykjavík og víðar. Ólafur lagði einnig stund á skrautskrift og aðra skreytilist, hannað skilti, vörumerki og lógó eða einkennismerki. Þekkt lógó eru t.d. félagsmerki Íþróttafélagsins Gerplu í Kópavogi, merki Fjölbrautarskóla Suðurlands og merki Kökugerðar HP Selfossi. Skilti eftir Ólaf sjást víða um Selfoss. Hann lagði einnig hönd að leikmyndahönnun og leiktjaldamálun hjá Leikfélagi Selfoss.
Nám:
- Myndlista- og handíðaskóli Íslands 1976-1979,
- Kennaraháskóli Íslands 1989-1990.
Störf:
- Ólafur var kennari við Iðnskólann á Selfossi 1978-1982 og við Fjölbrautarskóla Suðurlands 1982-2006. Þar kenndi hann grunnteikningu, myndlist og listasögu.
Ólafur var tónlistarmaður og félagi í Harmonikufélagi Selfoss. Þekkt er lag hans "Vals úr Breiðfirðinbgabúð" sem komið hefur út hljómdiskum (Gísli H. Brynjólfsson 2009, Vangaveltur, Harmonikufélag Selfoss 2013, Hildur Petra og Vigdís, Dragspilsdraumar 2015).
Þess má til gamans geta að Ólafur kemur við sögu í hinu kunna lagi Sniglabandsins Selfoss er.:
Ólafur Th Ólafsson hlaut menningarviðurkenningu Sveitarfélagsins Árborgar 2014.
Eiginkona Ólafs var Sigrún Gyða Sveinbjörnsdóttir sjúkraliði (1937-2016).
