Ólafsvíkurenni

Ólafsvíkurenni eða Enni er 418 m hátt, bratt og klettótt fjall vestan við Ólafsvík á Snæfellsnesi. Skriður og snjóflóð falla oft á veginn sem liggur með sjónum undir Enninu.

Ólafsvíkurenni gnæfir yfir Ólafsvík

Austurhlíð Ennisins vestan Ólafsvíkur nefnist Ennishlíð. Sunnan, og að hluta til vestan, byggðarinnar í Ólafsvík er lág hlíð sem nefnist Tvísteinahlíð. Bæjarfossgil er milli Ennis og Tvísteinahlíðar og um það rennur lækur gegnum bæinn til sjávar. Upp á Enni er göngufært um Ennisdal og er útsýni sagt mikið og gott þegar upp á toppinn er komið.

Snjóflóð sem braut niður steypustöðina Bjarg varð 22. febrúar 1984.

Heimild

• Greinargerð um snjóflóðaaðstæður vegna rýmingarkorts fyrir Ólafsvík

  Þessi landafræðigrein er stubbur. Þú getur hjálpað til með því að bæta við greinina.