Zúismi eða Zuism var íslenskt trúfélag og átti tilgangur þess að vera vettvangur til að iðka trú sem byggir á trúarbrögðum hinnar fornu þjóðar Súmera. Félag zúista var stofnað árið 2013 en árið 2015 tók nýr hópur yfir félagið þar sem stóð til að leggja það niður. Félagar voru mest um 3000.

Merki Zúista.

Höfuðmarkmið zúista var að hið opinbera myndi fella úr gildi öll lög sem veita trú- og lífsskoðunarfélögum forréttindi eða fjárstyrki umfram umfram önnur félög. Zúistar endurgreiddu fáum félagsmönnum aðildargjaldið. Liðlega þrjú þúsund manns gengu i trúfélagið Zuism á síðasta fjórðungi ársins 2015. Hátt í ellefu hundruð nýrra félaga komu frá Þjóðkirkjunni. [1]

Óvissa var með framtíð félagsins árið 2019 en stjórnarformenn hættu, félagið gat ekki sýnt fram á starfsemi, skilaði ekki ársskýrslu og forsvarsmenn þess, Einar Ágústsson og Ólafur Helgi Þorgrímsson [2] voru dæmdir fyrir fjár- og skattsvik. [3] Sýslumaður lét stöðva greiðslur til trúfélagsins árið 2019 og árið 2020 var Íslenska ríkið sýknað af kröfu félagsins um vangoldin sóknargjöld til félagsins. Ágúst Arnar Ágústsson, forstöðumaður Zuism sagðist munu slíta félaginu þegar niðurstaða lægi fyrir í dómsmálinu. [4]

TenglarBreyta

TilvísanirBreyta

  1. Yfir þúsund úr þjóðkirkjunni í Zúistafélagið Rúv. Skoðað 19. mars, 2016.
  2. Einn stofnenda Zuism dæmdur til að greiða 143 milljónir vegna skattsvika Vísir, skoðað 15. jan. 2020
  3. Zúistum snarfækkaði eftir að þeir fengu skráningu sem trúfélag Vísir, skoðað 12. febrúar.
  4. Zúistar fá ekki milljónir króna frá íslenska ríkinu Vísir, skoðað 15. jan 2020.