Síminn Cyclothon

Síminn Cyclothon (áður WOW Cyclothon) var lengsta götuhjólreiðakeppni á Íslandi og var haldin árlega frá 2012 til 2020. Hjólað var hringinn í kringum Ísland með boðsveitarformi þar sem liðsfélagar skiptu á milli sín kílómetrunum 1358. Einnig var í boði að hjóla í sólóflokk en þá hjólaði einn keppandi alla kílómetrana."

Keppendur kepptust ekki einungis við að verða fyrstir í mark heldur fór fram keppni í áheitasöfnun þeirra á milli þar sem liðin leituðust við að ná sem flestum áheitum til styrktar því málefni sem keppnin styrkti hvert ár."

Eftir gjaldþrot WOW Air tók Síminn við sem aðalstyrktaraðili keppninnar og hélt hana einu sinni, árið 2020. Eftir það var keppnin lögð niður.

Flokkar

Hægt var að keppa í fjórum flokkum. Þeir eru A-flokkur, B-flokkur, Sóló og Hjólakraftur. Í A- og B-flokki var svo keppt í þremur undirflokkum: karla, kvenna og blönduðum flokki.