Utanþingsráðherra

Utanþingsráðherra er ráðherra í þingræðisríki sem ekki situr á þjóðþingi landsins. Á Íslandi sitja ráðherrar í umboði meirihluta Alþingis og því er algengast að ráðherrar séu valdir úr röðum alþingismanna en þó eru alltaf dæmi þess að skipaðir séu ráðherrar sem eiga ekki sæti á Alþingi, algengt er að utanþingsráðherrar nái síðar kjöri á þing eftir að hafa setið sem ráðherra. Utanþingsráðherrar hafa rétt til að flytja frumvörp á Alþingi og taka til máls í þingsal en hafa ekki atkvæðisrétt þegar Alþingi greiðir atkvæði um mál. Í sumum löndum er ráðherrum óheimilt að sitja á þingi. Í Hollandi er ráðherrum heimilt að ná kjöri á þing en mega ekki sitja á þingi meðan þeir gegna ráðherraembætti. Í Bandaríkjunum ríkir forsetaræði og þar er ráðherrum óheimilt að gegna þingmennsku.