Töfrateningur Rubiks
Töfrateningur Rubiks (eða Rubiksteningur) (ungverska: Rubik-kocka) er teningslaga gestaþraut sem ungverski arkitektinn og prófessórinn Ernö Rubik fann upp á árunum 1975-1977. Töfrateningur Rubiks er til í mismunandi stærðum en sá algengasti er 3×3×3 með 6 litum og hver litur með 9 samlitar einingar, allt í allt eru einingarnar því 54. Töfrateningur Rubiks hefur selst í meira en 300 miljónum eintaka.
