Stígamót

Stígamót eru samtök kvenna gegn kynferðislegu ofbeldi. Markmið samtakanna er að aðstoða þá sem hafa orðið fyrir kynferðislegu ofbeldi og koma í veg fyrir slíkt ofbeldi. Stígamót voru stofnuð á Alþjóðlegum baráttudegi kvenna, 8. mars 1990. Að stofnun komu Barnahópur Kvennaathvarfsins, Ráðgjafarhópur um nauðgunarmál, Kvennaráðgjöfin og Vinnuhópur gegn sifjaspellum eftir að hafa starfað að undirbúningi í eitt ár. Rekstur Stígamóta er fjármagnaður af styrkjum frá félagsmálaráðuneytinu, Reykjavíkurborg, nokkrum bæjar- og sveitarfélögum, en einnig með einkafjárframlögum og styrkjum frá fyrirtækjum og hagsmunasamtökum.

Hús stígamóta við Hverfisgötu í Reykjavík

Stígamót eru með aðstöðu við Hverfisgötu 115 í Reykjavík.

Alþjóðlegt samstarf

Stígamót eru aðilar að fjórum norrænum og alþjóðlegum kvennasamtökum. Þau eru eftirfarandi;

• Norrænar konur gegn ofbeldi
• WAVE - women against violence in Europe
• International Abolitionist Federation
• Coalition Against Trafficking in Women

Tengill

• Heimasíða Stígamóta

  Þessi grein er stubbur. Þú getur hjálpað til með því að bæta við greinina.