Skokk
Skokk er rólegt hlaup þar sem tilgangurinn er að auka líkamshreysti með minna álagi en í spretthlaupi en meira álagi en í göngu, eða til að halda stöðugum hraða í langan tíma. Slík langhlaup á litlum hraða eru dæmi um þolþjálfun.
Hraði í skokki er mun minni en í hefðbundnu hlaupi, eða 6-10 km/klst. Hlauparar skokka gjarnan til að hita upp og niður, fyrir og eftir hlaup. Hlauparar nota líka skokk á milli hlaupa í lotuþjálfun.
Ýmsar rannsóknir hafa sýnt fram á jákvæð heilsufarsleg áhrif af skokki, eins og til að draga úr lítils háttar ofþyngd, styrkja æðakerfi og hindra vöðva- og beinaskaða.[1][2]
Tilvísanir
breyta- ↑ Running slows the aging clock, Stanford researchers find Geymt 3 apríl 2014 í Wayback Machine, Stanford School of Medicine Press Release
- ↑ Nutrition and Exercise in Obesity Management (enska). doi:10.1007/978-94-011-6719-2.pdf#page=104.