Skátafélagið Garðbúar

Skátafélagið Garðbúar er skátafélag í Fossvogi, Reykjavík. Skátafélagið var stofnað 29. mars, 1969. Skátafélagið býður upp á skátastarf fyrir börn og ungmenni á aldrinum 7-25 ára. Skátafélagið Garðbúar er hluti af Skátasambandi Reykjavíkur og heyrir undir Bandalag íslenskra skáta.

Skátafélagið Garðbúar
Stofnun	1969
Höfuðstöðvar	Hólmgarður 34
Markaðsvæði	Fossvogur, Leiti, Bústaðahverfi
Forstöðumaður	Helgi Jónsson
Vefsíða	https://gardbuar.com/

Skátasveitir

Í skátafélaginu starfa sex skátasveitir fyrir mismunandi aldursbil:

• Drekaskátasveitin Náttfarar fyrir börn á aldrinum 7-9 ára.
• Fálkaskátasveitin Völsungar fyrir börn á aldrinum 10-12 ára.
• Dróttskátasveitin Bótes fyrir unglinga á aldrinum 13-15 ára.
• Rekkaskátar fyrir ungmenni á aldrinum 16-17 ára
• Róverskátar fyrir fullorðna, 19-26 ára.

Saga Skátafélagsins Garðbúa

Skátafélagið Garðbúar varð til við það að Skátafélag Reykjavíkur og Kvenskátafélag Reykjavíkur sameinuðust og í stað þeirra voru stofnuð félög í hverjum borgarhluta. Skátastarf hafði þó farið fram í Fossvogi, en skátasveitin Sturlungar hafði staðið fyrir skátastarfi fyrir drengi í Háaleiti, Bústaðahverfi og Fossvogi frá árinu 1951. Skátasveitin Sturlungar fékk afhent húsnæði við Hólmgarð 34 árið 1958. Sama ár var skátasveitin Uglur stofnuð fyrir stúlkur í hvefinu.

Lækjabotnar

Skátafélagið hefur haft umsjón með skátaskálanum Lækjabotnum síðan 1957 en eignaðist hann 1996. Lækjarbotnar eru í Lækjarbotnalandi í Kópavogi, um 14 km austur af Reykjavík. Skálinn er á tveimur hæðum með ríflega 30 gistiplássum. Rúmgott svefnloft er á skálanum, eldhús og samkomusalur. Við skálann er minningarreitur þar sem fallnir félagar hafa verið heiðraðir með gróðursetningu.