Sjónvarpsturninn í Nürnberg
49°25′34″N 11°02′20″A / 49.42611°N 11.03889°A
Sjónvarpsturninn í Nürnberg er 292 metra hár og þar með hæsta bygging borgarinnar Nürnberg í Þýskalandi. Hann er einnig hæsta mannvirki Bæjaralands og þriðji hæsti sjónvarpsturn Þýskalands, á eftir turnunum í Berlín og í Frankfurt am Main. Sökum sérkennilegrar lögunar á kúlunni hefur hann fengið viðurnefnið Eggið í Nürnberg (Nürnberger Ei).
Saga sjónvarpsturnsins
breyta1972 var ráðgert að endurnýja litla sendistöð í miðborg Nürnberg. Ætlunin var að reisa sjónvarpsturn og koma sendinn fyrir í honum. Turninn var þó ekki reistur fyrr en 1977 og var vígður 1980. Samfara sendistöðinni var útsýnispallur og veitingastaður opnaður í turninum. En aðsóknin var svo dræm að veitingasalnum var lokað 1991 og er turninn nú lokaður almenningi.
Tölfræði
breyta- Byggingartími: 1977-1980
- Hæð: 292,80 m
- Hæð útsýnispalla: 185 m
- Þyngd: 23 þús t
- Dýpt grunnsins: 15,5 m
- Þvermál kúlunnar: 32 m
Heimildir
breyta- Fyrirmynd greinarinnar var „Fernmeldeturm Nürnberg“ á þýsku útgáfu Wikipedia. Sótt janúar 2010.