Saga er ritrýnt tímarit sem kom fyrst út árið 1949. Sögufélag gefur Sögu út og er það gert tvisvar á ári, að vori og hausti.

Vorhefti Sögu 2019.

Tímaritið er helsta fagtímarit og umræðuvettvangur íslenskra sagnfræðinga.[1]

Ritstjórar Sögu eru Kristín Svava Tómasdóttir og Vilhelm Vilhelmsson.

Saga Sögu breyta

Saga tók við af Blöndu, sem Sögufélag gaf út á árunum 1918-1953. Markmiðið með stofnun Sögu var að stofna tímarit sem lyti strangari kröfum um fræðileg vinnubrögð og væri meira í takt við stefnur og strauma í sagnfræði en Blanda.

Fyrstu árin kom Saga út í örkum. Hver árgangur kom út í nokkrum heftum og því eru árgangar, eða bindi, Sögu mun færri en útgáfuár segja til um.[2] Saga bar þó ákveðin einkenni Blöndu fyrst um sinn, þannig kom tímaritið til að mynda út í sama broti og, rétt eins og í Blöndu, þá skrifaði forseti Sögufélags (sem þá var Einar Arnórsson) meirihluta greinanna í Sögu fyrst um sinn.[3]

Á árunum 1968-2001 kom út nýr árgangur af Sögu á hverju ári. Frá og með 2002, eða eftir að Ný Saga hætti að koma út, hefur Saga komið út tvisvar á ári.

Ritstjórar Sögu breyta

Ritstjórar Sögu frá upphafi eru þessir:

Tenglar breyta

Saga - Tímarit Sögufélags á tímarit.is

Tilvísanir breyta

  1. Ólafur E. Friðriksson, "Vettvangur áhugafólks um sagnfræði", DV 16. nóvember 1983, bls. 19.
  2. „Saga – Tímarit Sögufélags | Sögufélagið“. Afrit af upprunalegu geymt þann 22. júní 2019. Sótt 24. júní 2019.
  3. Íris Ellenberger. Saga Sögufélags (vinnuheiti - óbirt handrit).