Söngvakeppni evrópskra sjónvarpsstöðva 1956

Söngvakeppni evrópskra sjónvarpsstöðva 1956 var fyrsta söngvakeppni evrópskra sjónvarpsstöðva. Hún var haldin fimmtudaginn 24. maí í Teatro Kursaal í Lugano í Sviss. Keppnin var skipulögð af Sambandi evrópskra sjónvarpsstöðva (SES) sem samevrópsk tónlistarkeppni. Ítalska tónlistarhátíðin Sanremo var fyrirmynd SES að keppninni. Lohengrin Filipello var gestgjafi þessarar fyrstu söngvakeppni sem var um ein klukkustund og fjörtíu mínútur að lengd. Sjö lönd tóku þátt og hvert þeirra flutti tvö lög. Tveir dómarar frá hverju landi dæmdu lögin leynilega og eftir sínum smekk.

Söngvakeppni evrópskra sjónvarpsstöðva
Dagsetningar
Úrslit	24. maí 1956
Umsjón
Staður	Teatro Kursaal Lugano, Sviss
Kynnar	Lohengrin Filipello
Sjónvarpsstöð	RTSI
Vefsíða	eurovision.tv/event/lugano-1956
Þátttakendur
Fjöldi þátttakenda	7
Frumraun landa	Belgía Þýskaland Frakkland Ítalía Holland  Lúxemborg Sviss
Þátttakendur á korti   Lönd sem taka þátt
Kosning
Kosningakerfi	Tveir kviðdómarar frá hverju landi kusu leynilega eitt lag.
Sigurlag	Sviss Refrain - Lys Assia

Í þessari fyrstu keppni voru nokkrar aðgerðir framkvæmdar sem ekki hafa verið endurteknar í síðan í nokkurri keppni, m.a.; að tvö framlög voru frá hverju landi, eitt land greiddi atkvæði fyrir hönd annars lands og að aðeins einn karlmaður væri kynnir kvöldsins.

Saga

Meðlimir Sambands evrópskra sjónvarpsstöðva ræddu á fundi í Mónakó árið 1955 hugmyndir sínar um samevrópska tónlistarkeppni, innblásin af ítölsku Sanremo tónlistarhátíðinni. Út frá þessum fundi varð Söngvakeppni evrópskra sjónvarpsstöðva til. Tekin var ákvörðun um það að halda fyrstu keppnina í Lugano í Sviss ári seinna.

Staðsetning

Teatro Kursaal í Lugano í Sviss varð fyrir valinu sem vettvangur keppninnar. Lugano er borg staðsett í ítölskumælandi kantónunni Ticino í Suður-Sviss, sem á landamæri að Ítalíu. Þessi fyrsta keppni var haldin á ítölsku.

Fyrirkomulag

Kynnir þessarar fyrstu keppni var Lohengrin Filipello og var það í eina skiptið sem einn karlmaður hefur verið kynnir í keppninni og í rauninni hafa verið að minnsta kosti ein kona kynnir allt til ársins 2017, þegar þrír karlmenn voru kynnar. Keppnin varð ein klukkustund og fjörtíu mínútur að lengd. Þrátt fyrir að keppnin 1956 hafi að mestu verið flutt í útvarpi voru myndavélar í stúdíóinu fyrir þá fáu Evrópubúa sem áttu sjónvarp.

Einungis einstaklingar máttu taka þátt og lögin máttu ekki vera lengri en þrjár og hálf mínúta að lengd. Tuttugu og fjögurra manna hljómsveit spilaði undir og var stjórnað af Fernando Paggi. Intervalatriði kvölsins var flutt af Joyeux Rossignols sem flautaði fyrir áheyrendur. Lengja þurfti atriðið vegna tafa við stigagjöf. SES mælti sterklega með því að hvert land héldi sína eigin forkeppni við val á framlagi landsins.

Deilur um stigagjöf

Tveir dómarar frá hverju landi fóru til Lugano til að kjósa lögin í leynilegri kosningu. Dómarar Lúxemborgar komust þó ekki á leiðarenda. Í þessari keppni máttu dómarar gefa hvaða framlagi sem var stig, líka framlagi frá sínu eigin landi. Auk þess var svissnesku dómnefndinni heimilt að kjósa fyrir hönd þeirrar lúxemborgísku. Mögulegt er að sigur Sviss hafi verið vegna þessarar reglu. Þetta kerfi var aldrei endurtekið.

Glataðar upptökur

Þrátt fyrir að þessi fyrsta keppni hafi veirð sýnd í sjónvörpum í nokkrum evrópulöndum eru engar upptökur til af henni fyrir utan flutning sigurlagsins í lok keppninnar. Þetta er önnur af tveimur söngvakeppnisupptökum sem hafa alveg glatast. Hin keppnin var keppnin 1964 en allar upptökur af keppninni eyðilögðust í eldsvoða.

Þáttakendur

Sjö lönd tóku þátt í fyrstu keppninni og hvert þeirra flutti tvö lög. Tvö lönd til viðbótar, Austurríki og Danmörk, höfðu ætlað að taka þátt en runnu út á tíma til að skila inn lagi í keppnina og gátu því ekki tekið þátt.

Hljómsveitarstjórnendur

• Holland - Fernando Paggi
• Sviss - Fernando Paggi
• Belgía - Léo Souris
• Þýskaland - Fernando Paggi
• Frakkland - Franck Pourcel
• Lúxemborg - Jacques Lassry
• Ítalía - Gian Stellari

Úrslit

Fyrir utan sigurlagið, hafa úrstlitin í fyrstu keppninni aldrei verið gefin út.

Land	Lag	Íslensk þýðing	Flytjandi	Tugumál	Sæti
Holland	De vogels van Holland	Fuglar Hollands	Jetty Paerl	Hollenska	2
Sviss	Das alte Karussell	Gamla hringekjan	Lys Assia	Þýska	2
Belgía	Messieurs les noyés de la Seine	Herramenn drukknuðu í Signu	Fud Leclerc	Franska	2
Þýskaland	Im Wartesaal zum großen Glück		Walter Andreas Schwarz	Þýska	2
Frakkland	Le temps perdu	Tapaði tíminn	Mathé Altéry	Franska	2
Lúxemborg	Ne crois pas	Trúi ekki	Michèle Arnaud	Franska	2
Ítalía	Aprite le finestre	Opnir gluggar	Franca Raimondi	Ítalska	2
Holland	Voorgoed voorbij	Til góðs	Corry Brokken	Hollenska	2
Sviss	Refrain		Lys Assia	Franska	1
Belgía	Le plus beau jour de ma vie	Fallegasti dagur lífs míns	Mony Marc	Franska	2
Þýskaland	So geht das jede Nacht	Svo fer það á hverju kvöldi	Freddy Quinn	Þýska	2
Frakkland	Il est là	Hann er hér	Dany Dauberson	Franska	2
Lúxemborg	Les amants de minuit	Elskendur miðnætturinnar	Michèle Arnaud	Franska	2
Ítalía	Amami se vuoi	Elskaðu mig ef þú villt	Tonina Torrielli	Ítalska	2

Sjónvarpsstöðvar allra þátttökulanda sendu skýrendur í keppnina til að þýða og skýra frá keppninni á sínu eigin tungumáli. Skýrendur voru eftirfarandi

• Holland - Piet te Nuyl (NTS)
• Sviss - Georges Hardy (TSR)
• Belgía - Janine Lambotte (INR), Nand Baert (NIR)
• Þýskaland - Wolf Mittler (ARD)
• Frakkland - Michèle Rebel (RTF)
• Lúxemborg - Michèle Rebel (Télé-Luxembourg)
• Ítalía - Franco Marazzi (Programma Nazionale)
• Austurríki (keppti ekki) - Wolf Mittler (ORF)
• Danmörk (keppti ekki) - Gunnar Hansen (Statsradiofonien TV)
• Bretland (keppti ekki) - Wilfred Thomas (BBC Television Service)

| class="col-break " style="width: 50%;text-align: left; vertical-align: top;" |