Samband íslenskra samvinnufélaga

(Endurbeint frá SÍS)

Samband íslenskra samvinnufélaga (SÍS), Sambandið eins og það er kallað í daglegu tali eða Samband eins og það var kallað erlendis var stofnað á Ysta-Felli Þingeyjasýslu 20. febrúar 1902 sem Sambandskaupfélag Þingeyinga en fékk síðan nafn sitt endanlega árið 1906.

Samband íslenskra samvinnufélaga
Rekstrarform Samvinnufélag
Stofnað 20. febrúar 1902
Staðsetning Egilsholti 1
310 Borgarnes
Lykilmenn Guðsteinn Einarsson, stjórnarformaður
Starfsemi Rekstur eignarhaldsfélaga

SÍS var stofnað upphaflega til að vera samræmingaraðili íslenskra samvinnufélaga og þróaðist síðan yfir í samvinnuvettvang þeirra á sviði út- og innflutnings og til að ná hagstæðum samningum erlendis vegna þess taks sem danska kaupmannastéttin hafði enn á íslensku viðskiptalífi á þeim tíma.

Meðal annars rak SÍS skipadeild sem var stofnuð 1946 og sá um vöruflutninga í samkeppni við Eimskipafélag Íslands. Stuttu áður en annar samkeppnisaðili, Hafskip, varð gjaldþrota í lok árs 1985 stóð til að SÍS myndi kaupa fyrirtækið en á stjórnarfundi var kosið gegn því og munaði einu atkvæði.

Þegar leið á 20. öldina varð SÍS öflugasta viðskiptaveldi Íslands og með ítök á flestum sviðum viðskiptalífsins allt fram til ársins 1992 þegar starfsemi þess var orðin nánast engin vegna skulda þess við lánardrottna sína.

Forstjórar SÍSBreyta

Ár Nafn
1917-23 Hallgrímur Kristinsson
1923-46 Sigurður Kristinsson
1946-55 Vilhjálmur Þór
1955-86 Erlendur Einarsson
1986-93 Guðjón B. Ólafsson

HeimildirBreyta

  • „Fyrirtækjaskrá Ríkisskattstjóra“. Sótt desember 2008.
  • Saga Sambandsins (Ris veldi og fall). Leikstjóri Viðar Víkingsson. 1999.

TenglarBreyta