Raspberry Pi
Raspberry Pi er lófastór tölva á einu spjaldi sem þróuð er í Bretlandi af fyrirtækinu Raspberry Pi Foundation. Tölvan er til í mörgum útgáfum sem kosta frá US$5 (Raspberry Pi Zero) til $35 auk skatta. Byrjað var að taka við pöntunum á stærri gerðinni 29. febrúar 2012. Raspberry Pi er hugsuð sem kennslutæki til forritunarkennslu í skólum. Hönnun byggir á BCM2835 (eða BCM2836) kubbi og 700 MHz örgjörva, og 256 MB vinnsluminni. Tölvan er ekki með hörðum disk heldur SD korti til að ræsa og geyma gögn. Tölvan styður alls konar stýrikerfi, en aðal stuðningur er við Raspbian Linux stýrikerfi, byggt á Debian (líka fáanlegt óbreytt, alla vega fyrir Raspberry Pi 2). Fedora, Arch Linux og fleiri stýrikerfi, hugsanlega Android, eru líka nothæf. Raspberry Pi 2 ræður við sér útgáfu af Windows 10, svokallaða Windows 10 IoT Core.
Python er aðalforritunarmálið sem notast er við (á Linux en BBC BASIC er möguleiki t.d. með RISC OS stýrikerfinu). Aflgjafi og SD kort eru ekki innifalin en hægt að kaupa það samtímis og tölvuna.
Í október 2012 var tilkynnt ný tegund af tölvunni með 512 MB vinnsluminni og síðar önnur með 1 GB.
