Pox
Pox eða pogs er leikur sem var vinsæll meðal barna og unglinga á síðasta áratugi 20. aldar. Leikurinn gengur út á að safna sem flestum pappírsskífum með myndum. Hver leikmaður safnar myndum og gengur leikurinn út á að vinna myndir af andstæðingum. Svokölluð sleggja er notuð til að kasta á myndabúnkann og sá sem nær að snúa myndum á rönguna eignast þau spjöld.
Tveir eða fleiri spila í einu og leggur hvort um sig undir ákveðinn fjölda af af poxum (pappasjöldum) sem hann staflar. Því næst er slegið eða hent með sleggju ofan á staflann í þeim tilgangi að láta poxin snúast við. Þau sem snúast við má viðkomandi leikmaður eiga.
Sérstök pox hafa verið notuð sem gjaldmiðill í flugher Bandaríkjanna. Ástæðan er sú að takmarkað er hversu mikla þyngd má fljúga með en pappírsmynt vegur minna en mynt úr málmi og var því handhæg sem skiptimynt.
