Pistoia
Pistoia er borg við rætur Appennínafjalla nyrst í Toskana. Íbúar eru um 90 þúsund. Borgin er höfuðstaður samnefndrar sýslu. Borgin var upphaflega rómverskar herbúðir í baráttu þeirra gegn Lígúrum. Austgotar eyddu borgina árið 406 en eftir endurbyggingu hennar varð hún hluti af Býsans-veldinu á Ítalíu Árið 1105 varð hún sjálfstætt borgríki. Borgin varð illa úti í borgarastyrjöldum gvelfa og gíbellína en tókst að halda sjálfstæði með því að leggja lag sitt til skiptis við Lucca og Flórens. Árið 1402 lenti borgin þó að lokum undir yfirráð Flórens og varð svo hluti af stórhertogadæminu Toskana.
Wikimedia Commons er með margmiðlunarefni sem tengist Pistoia.
