Páll Óskar

Páll Óskar
Páll Óskar
	Páll Óskar árið 2008
Upplýsingar
Fæddur	Páll Óskar Hjálmtýsson; 16. mars 1970 (54 ára); Reykjavík, Ísland
Önnur nöfn	Paul Oscar
Störf	Söngvari; lagahöfundur; plötusnúður;
Ár virkur	1993–í dag
Ættingjar	Sigrún Hjálmtýsdóttir (systir)
Stefnur	Popp

Páll Óskar Hjálmtýsson (f. 16. mars 1970) er íslenskur söngvari, lagahöfundur og plötusnúður. Hann fékk tónlistaruppeldi, söng á einkasamkomum, með kór og fyrir almenning, varð fyrir áhrifum af einelti í skóla og spennu milli foreldra sinna heima fyrir. Hann kom út úr skápnum sautján ára gamall.

Páll Óskar er þekktastur fyrir að syngja ballöður, diskó, hefðbundin íslensk lög og teknó. Hann gaf út sinn fyrsta sólódisk, Stuð árið 1993 á meðan hann var í New York, og átti auk þess feril sem söngvari með hljómsveitum eins og Milljónamæringunum og Casino. Önnur sólóbreiðskífa, Palli, var mest seldi diskurinn á Íslandi árið 1995 og 1996 kom út Seif. Páll átti sumarsmellinn Ástin dugar með hljómsveitinni Unun árið 1995.

Páll Óskar varð alþjóðlega þekktur þegar hann söng lagið „Minn hinsti dans“ framlag Íslands til Söngvakeppni evrópskra sjónvarpsstöðva 1997. Platan Deep inside sem kom út 1999 seldist hins vegar langt undir væntingum og varð langt hlé fram að næstu sólóplötu. Í millitíðinni gerði hann tvær breiðskífur í samstarfi við hörpuleikarann Moniku Abendroth; Ef ég sofna ekki (2001) og Ljósin heima (2003).

Breiðskífa hans Allt fyrir ástina kom út árið 2007 og varð metsöluplata. Páll Óskar kemur oft fram sem plötusnúður á skemmtistöðum á Íslandi.

Páll Óskar, Reykjavik Jazz Festival (2015)

Plötur

Stuð (1993)
Milljón á mann - Páll Óskar og Milljónamæringarnir (1994)
Palli (1995)
Seif (1996)
Stereo - Páll Óskar og Casino (1998)
Deep Inside (1999)
Ef ég sofna ekki (If I Won't Sleep Tonight, 2001) (með Moniku Abendroth)
Ljósin heima (2003) (með Moniku Abendroth og Sigrúnu Hjálmtýsdóttur (Diddú))
Allt fyrir ástina (2007)
Kristalsplatan (2017)

Safn- og tónleikaplötur

Silfursafnið (2008)
Páll Óskar og Sinfó (2011)
Uppklapp (2011)
Páll Óskar - Box (6 plötur fyrir 1) (2014)

Stuttplötur/EP

Einn dans (2017)