Nintendo Switch
Nintendo Switch er leikjatölva frá Nintendo sem kom út 3. mars 2017. Hana má nota bæði sem smáleikjatölvu og tengda við sjónvarp. Heima má setja hana í hleðsludokku sem er tengd við sjónvarp um HDMI-snúru. Hún er líka með fjölsnertiskjá sem nota má á ferðinni þegar tölvan er ekki í dokkunni.
Þann 20. september 2019 kom út Nintendo Switch Lite, minni útgáfa af upprunalegu tölvunni sem er aðeins hægt að nota sem smáleikjatalva en ekki er hægt að tengja hana við sjónvarp.[1] 8. október 2021 kom út uppfærð útgáfa af tölvunni með stærri OLED-skjá. [2]
Hún er með þráðlausum stýripinnum (sem kallast Joy-Con) með tökkum, hreyfingarskynjurum og titringsmótor. Festa má stýripinnana við tölvuna með því að renna þeim í raufar hvorum megin á tölvunni. Taka má stýripinnana af og nota hvorn fyrir sig þannig að tveir geta spilað saman.
Spila má með öðrum bæði á netinu og um þráðlaust staðarnet. Leikirnir fást bæði á leikjakortum og á netinu í gegnum Nintendo eShop.
Heimild
breyta- Fyrirmynd greinarinnar var „Nintendo Switch“ á ensku útgáfu Wikipedia. Sótt 16. febrúar 2019.
- ↑ „Nintendo introduces Nintendo Switch Lite, a device dedicated to handheld game play“. Nintendo of Europe SE (bresk enska). Sótt 4 apríl 2025.
- ↑ „Nintendo Switch – OLED Model coming October 8th!“. Nintendo of Europe SE (bresk enska). Sótt 4 apríl 2025.