Nökkvi Þeyr Þórisson

Nökkvi Þeyr Þórisson (fæddur 13. ágúst 1999) er íslenskur knattspyrnumaður sem spilar með St. Louis City SC í MLS-deildinni. Hann spilaði sem ungmenni með Reyni Dalvík og Þór Akureyri og hélt loks til KA. Nökkvi skoraði 17 mörk í 20 leikjum í Bestu deildinni 2022 fyrir KA og varð markahæsti leikmaður tímabilsins þrátt fyrir að hafa misst af síðustu leikjunum vegna félagaskipta. Hann var valinn besti leikmaður tímabilsins af leikmönnum.

Hann vakti athygli utan landsteinanna síðsumars og gerði samning við belgíska liðið, Beerschot í Antwerpen í byrjun september 2022.

Nökkvi spilaði sinn fyrsta A-landsleik í janúar 2023 í vináttuleik gegn Eistlandi.

Faðir Nökkva, Þórir Áskelsson, og föðurbróðir, Halldór Áskelsson, spiluðu knattspyrnu fyrir Þór Akureyri og Halldór með A-landsliðinu. Tvíburabróðir Nökkva, Þorri Mar Þórisson, spilaði með honum í KA, Þór og Reyni.

Tenglar

• Síða á KSÍ
• Í fótspor föður og tveggja frænda