Máninn hátt á himni skín
Máninn hátt á himni skín er danskvæði eða vikivaki eftir Jón Ólafsson (1850-1916) ritstjóra og alþingismann. Kvæðið orti Jón einungis 21 árs gamall. Kvæðið var fyrst sungið á gamlárskvöld árið 1871 þegar stúdentar Menntaskólans í Reykjavík gengu fylktu liði í álfabúning að Tjörninni í Reykjavík sem þá var ísilögð. Þar slógu stúdentar í hringdans á Tjörninni austanverðu.
Kvæðið er enn í dag oft sungið á gamlárskvöld og á þrettándanum undir hringdansi við færeyskt/íslenskt þjóðlag. Lagið má finna í Íslenskum þjóðlögum Bjarna Þorsteinssonar.
