Lúdó og Stefán - Lúdó og Stefán

Lúdó og Stefán - Lúdó og Stefán er 33 snúninga LP hljómplata gefin út af SG - hljómplötum árið 1976. Á henni syngur Lúdó og Stefán dægurlög. Jón Sigurðsson útsetti og stjórnaði hljóðfæraleik við hljóðritun. Hljóðritun fór fram hjá Tóntækni h.f. Tæknimaður var Sigurður Árnason, sem jafnframt annaðist hljóðblöndun ásamt Lúdó og Stefáni.

Lúdó og Stefán - Lúdó og Stefán
Bakhlið
SG - 095
Flytjandi	Lúdó og Stefán
Gefin út	1976
Stefna	Dægurlög
Útgefandi	SG - hljómplötur
Stjórn	Sigurður Árnason
Hljóðdæmi

Lagalisti

1. Gudda Jóns - Lag - texti: Hank Williams — Þorsteinn Eggertsson - Stefán Jónsson syngur
2. Átján rauðar rósir - Lag - texti: Bobby Darin — Iðunn Steinsdóttir - Stefán og Berti syngja
3. Nóaflóðið - Lag - texti: Harry Warren — Ómar Ragnarsson - Berti Möller svngur
4. Gullið á Raufarhöfn - Lag - texti: Fats Domino — Þorsteinn Eggertsson - Stefán syngur
5. Vertu sæl, María - Lag - texti: Gene Pitney — Jónas Friðrik - Stefán og Berti syngja
6. Ég er glataður án þín - Lag - texti: Paul Anka — Ómar Ragnarsson - Stefán syngur
7. Ólsen-Ólsen - Lag - texti: K. Manr./D. Appel — Þorsteinn Eggertsson - Stefán syngur
8. Gunni og gítarinn - Lag - texti: H Creamer/J. T. Iayton — Berti Möller - Berti syngur
9. Í bláberjalaut - Lag - texti: A. L. Lewis/L. Stock/V. Rose — Ólafur Gaukur - Stefán syngur
10. Úti í garði - Lag - texti: Ledbetter — Hinrik Bjarnason - Stefán og Berti syngja
11. Þú ferð - Lag - texti: G. Boulanger — Berti Möller - Berti Möller syngur
12. Halló, Akureyri - Lag - texti: J. Leiber — Ómar Ragnarsson - Stefán syngur

Textabrot af bakhlið plötuumslags

	Þegar að Lúdó og Stefán komu saman á nýjan leik í sjónvarpsþætti snemma á árinu 1974 þá skaut þeirri hugmynd upp, að gaman væri að fá þá til að leika inn á plötu vinsælustu lögin frá blómaskeiði hljómsveitarinnar. Af þessu hefur nú orðið. Á þessari plötu er að finna mörg vinsælustu laganna frá árunum 1959—65 og eru þau öll með nýjum íslenzkum textum (að undanskyldu Vertu sæl, María). Lúdó og Stefán á þessari plötu eru þeir Stefán Jónsson, söngvari; Elfar Berg, píanó; Hans Kragh Júlíusson, trommur og Berti Möller, bassi og söngur, auk þessa eru í hinum ýmsu lögum, Baldur Arngrímsson, gítar; Þorleifur Gíslason, tenór-saxófónn og Rúnar Georgsson, tenór-saxófónn en þeir voru allir meðlimir Lúdó á sínum tíma. Auk þess leikur Helgi Guðmundsson á munnhörpu í laginu Úti í garði. Sigurður Rúnar Jónsson leikur á fiðlu í Vertu sæl, María. Nokkrir blásturs- og strengjahljóðfæraleikarar úr Sinfóníuhljómsveit Íslands aðstoða einnig í nokkrum lögum. Jón Sigurðsson útsetti og stjórnaði hljóðfæraleik við hljóðritun, en hann útsetti einmitt og stjórnaði æfingum hjá Lúdó þegar hljómsveitin lék í Þórscafé síðustu árin og var meira að segja bassaleikari í Lúdó um nokkurra mánaða skeið. Eins og sjá má á meðfylgjandi myndum komu ýmsir hljóðfæraleikarar við sögu í Lúdó og þeir voru reyndar enn fleiri þó ekki birtist myndir af þeim öllum. Lúdó og Stefán störfuðu saman frá 1959 allt fram til 1968 þegar að hljómsveitin hætti. En síðan tóku þeir Elvar, Hans, Berti og Stefán upp þráðinn að nýju um 1973 og hafa leikið í Átthagasal að Hótel Sögu á veturna við miklar vinsældir allra er þangað hafa komið.
	— Svavar Gests