Kreml (Moskva)

Hnit: 55°45′6″N 37°37′4″A / 55.75167°N 37.61778°A / 55.75167; 37.61778

Kreml (Моско́вский Кремль; Moskovskíj Kreml á rússnesku) er borgarvirki í miðri Moskvu. Virkið stendur við Moskvufljót til suðurs, dómkirkju heilags Basils og rauða torgið til austurs og Alexandersgarðinn til vesturs. Virkið er þekktasta kreml í Rússlandi. Innan Kremlarinnar í Moskvu eru fimm hallir og fjórar dómkirkjur. Byggingarnar eru umkringdar kremlarmúrnum og sérhönnuðum varðturnum múrsins. Innan borgarvirkisins er einnig Kremlarhöll sem var híbýli Rússakeisara í Moskvu á tíma rússneska keisaradæmisins. Kreml er í dag bústaður forseta Rússlands.

Kreml séð suðvestan frá.

Orðið „Kreml“ merkir „borgarvirki“[1] og er oft notað með nafnskiptum til að vísa til rússnesku ríkisstjórnarinnar sjálfrar á svipaðan hátt og „hvíta húsið“ vísar oft til ríkisstjórnar Bandaríkjanna. Áður vísaði „Kreml“ í daglegu tali oft til ríkisstjórnar Sovétríkjanna. Stundum er orðið „Kremlarfræði“ notað um rannsóknir á sovéskum og rússneskum stjórnmálum.[2]

TilvísanirBreyta

  1. „Кремль“ [Kremlin]. Vasmer Etymological dictionary.
  2. „Tískan í Kreml“. Dagblaðið Vísir. 1. desember 1984. Sótt 13. júní 2018.