Opna aðalvalmynd
Kláfferja á Ítalíu

Kláfur (loftferja eða kláfferja) er farartæki, dregið á línu yfir ófærur (s.s. vatnsföll) eða upp fjöll. Áður en vegasamgöngur komust í nútímalegt horf á Íslandi voru kláfar yfir margar ár í alfaraleið, og voru flestir knúnir áfram með handsnúinni sveif. Voru slíkir staðir nefndir ferjustaðir. Sumir kláfar eru enn þann dag í dag notaðir til að ferja sauðkindur yfir vatnsföll.

Gerður er greinarmunur á kláfferju og svifferju en í Lögréttu 1909 er þessi texti: "Nokkru sunnar en Norðurá fellur í Hjeraðsvötnin, er kláfferja, en niður hjá Ökrum, norðar miklu, er svifferja. Hún er þannig útbúin, að keðjur eru til beggja landa, og dregst ferjan á þeim til skiptis. Ferjan sjálf er stór flatbytningur."[1]

Kláfar voru víða í notkun fyrr á tímum. Hér er kláf yfir Jökulsá á Jökuldal lýst árið 1882: “Hvergi er Jökulsá reið, en við Brú er kláfur; drátturinn er á þann hátt, að 2 reipi eru strengd milli kletta yfir ána og við þau er festur kláfur; í uppstöndurunum á kláfinum eru 4 hjól, er reipin leika á; í kláfinum eru dragreipi til beggja landa og svo má draga sig fram og aptur; í kláfinum er að eins naumt rúm, fyrir einn mann; hvergi eru nú drættir á Jökulsá nema við Brú og Merki, en áður var dráttur svo að segja á hverjum bæ í efri hluta dalsins.” [2]

Tengt efniBreyta

TilvísanirBreyta

TenglarBreyta

   Þessi grein er stubbur. Þú getur hjálpað til með því að bæta við greinina.