Kecap manis
(Endurbeint frá Ketjap manis)
Kecap manis, sæt sojasósa eða sojasíróp, er svört, sæt, ilmrík og sírópskennd sósa sem er mikið notuð í indónesískri matargerð. Kecap manis er gert með því að gerja mauk úr soðnum svörtum sojabaunum, ristuðu korni, salti og vatni. Maukið er látið mygla með sveppnum Aspergillus wentii. Síðast er bætt við það miklu magni af pálmasykri, allt að 50%. Stundum er sósan líka krydduð. Kecap manis er notuð í kryddlegi, kryddmauk og kryddsósur.
