Kerið
Kerið (hét áður Tjarnarhóll) er gíghóll í Grímsnesi. Það er 270 m langt og um 170 m breitt. Gígurinn er 55 m djúpur og niðri í honum er tjörn. Dýpt tjarnarinnar fer eftir grunnvatnsstöðu, hún er 7 til 14 m djúp.
Kerið var áður talið sprengigígur en núna er talið að það sé niðurfall eftir hrun gjallgígs. Talið er að þessi gjallgígur hafi verið einn af mörgum gjallgígum sem gusu þarna fyrir 6500 árum og mynduðu Grímsneshraun.
Gosið sem myndaði Kerið hefur tekið nokkurn tíma. Rauði liturinn á gjallinu stafar af oxun járnsins í kvikunni (hematít).
Kerið er eign Kerfélagsins, sem tekur aðeins gjald af þeim ferðamönnum sem koma að skoða það.
Heimildir
breyta- „Hvernig myndaðist Kerið í Grímsnesi og hvers vegna er vatn í því?“. Vísindavefurinn.
- Kerið (nat.is) Geymt 9 október 2006 í Wayback Machine
Wikimedia Commons er með margmiðlunarefni sem tengist Kerinu.
