„Borg (Mýrasýsla)“: Munur á milli breytinga

Borg á Mýrum hefur löngum verið stórbýli og kirkja hefur verið þar frá því að kristni var lögtekin eða frá árinu 1002. Núverandi kirkja var reist árið 1880 og þykir formfögur og stílhrein bygging. Snýr kirkjan á Borg reyndar í norður-suður, sem er þvert á flestar kirkjubyggingar í íslenskum sveitum. Altaristafla kirkjunnar er eftir Íslandsvininn, listamanninn og fornleifafræðinginn [[W.G. Collingwood]] og er hún máluð eftir Íslandsferð hans árið 1897. Þá er sjálf kirkjan ekki í kirkjugarðinum, heldur koma bæjarhús á milli kirkjunnar og garðsins.

Samkvæmt [[Egla|Eglu]] var Borg á Mýrum landnámsjörð föður Egils, [[Skallagrímur Kveldúlfsson|Skallagríms Kveld-Úlfssonar]]. Á Borg bjó síðan [[Egill Skallagrímsson|gillEgill Skalla-Grímsson]] og þá niðjar þeirra feðga fram eftir öldum.

Á Borg hóf enn fremur búskap sinn [[Snorri Sturluson]], sem trúlega var afkomandi Egils, og er getum að því leitt, að þar hafi hann setið við skrif [[Egils saga|Egils sögu]]. Í [[Laxdæla|Laxdælu]] segir að [[Kjartan Ólafsson]], sem var dóttursonur Egils, sé grafinn að Borg. [[Melkorka]], ambátt [[Höskuldur Dala-Kollsson|Höskuldar Dala-Kollssonar]] var amma hans í föðurætt og [[Mýrkjartan]], konungur [[Írland|Íra]], var því langafi hans í föðurætt.