„Hljómsveitin XIII“: Munur á milli breytinga

 

Eitt lag af ''Fruits'', lagið „Thirteen“ fór á safnplötuna ''Íslensk tónlist 1993'' og hlaut talsverða útvarpsspilun. Árni Matthíasson sagði í plötudómi sínum að þetta væri besta lag plötunnar.

 

Salt fékk góða umfjöllun í erlendum tónlistartímaritum{{heimild vantar}} en var ekki fylgt eftir með tónleikum. Einnig birtust nokkur viðtöl við sveitina í rokktímaritum erlendis. Tónlist XIII var oftast skilgreind sem „New Wave/Goth“.

Í ársbyrjun 1995 hætti Eiríkur í XIII og við gítarnum tók Gísli Már Sigurjónsson. Upptökur á annarri breiðskífu XIII, ''Serpentyne'', hófust um sumarið og kom hún út 13. október 1995. Ingvar Jónsson settist aftur í upptökustólinn, í þetta sinn í Grjótnámunni í Reykjavík, og skiptu hann og Þorvaldur Bjarni Þorvaldsson með sér hljóðblönduninni. Þótt yfirbragð ''Serpentyne'' væri ekki eins myrkt og á ''Salt'' var hún síst aðgengilegri. Flóknar útsetningar og miklar pælingar í gangi. XIII hafði ákveðið að segja poppaðri endurtekningu stríð á hendur og þó um sé að ræða vers og viðlög, þá eru útsetningarnar breyttar þegar kaflarnir koma fyrir næst. Umslag ''Serpentyne'' þótti mjög vandað og supu stjórnendur Spor kveljur þegar þeir fengu reikninginn.

 

 

Þarna urðu kaflaskil. Sambandið við Semaphore fjaraði út og útgáfubransinn dróst sífellt saman þar sem hann varð stöðugt verr fyrir barðinu á ólöglegu niðurhali. Halli tóks þó að lenda samningi við frönsku útgáfuna 13bis sem var þá orðin stærsta sjálfstæða útgáfa Frakklands. Talsverð stefnubreyting hafði orðið í tónlistinni og var stafsetningu „XIII“ breytt í „Thirteen“ en það þótt neytendavænni útfærsla. Undir því nafni kom út breiðskífan ''Magnifico Nova'' árið 2002. Hallur vann plötuna að öllu leyti einn. Auk hefðbundinna hljóðfæra notaði Hallur töluvert af „rusl-slagverki“ að hætti Einstuerzende Neubauten.

Á Íslandi tók Edda útgáfan að sér að dreifa ''Magnifico Nova''. Nærri má geta að innan við 200 eintök séu til af ''Magnifico Nova'' á Íslandi. Dómar voru þokkalegir. Arnar Eggert Thoroddssen birti dóm í ''Morgunblaðinu'' undir fyrirsögninni „Sáttur“.<ref>Arnar Eggert Thoroddsen, „Thirteen“, mbl.is, 6. júní 2002 ([http://mbl.is/mm/gagnasafn/grein.html?grein_id=672178 mbl.is]).</ref> Lagið „Supernatural“ fékk talsverða útvarpsspilun og komst í 7. sæti á vinsældarlista X977.