„Klassísk fornöld“: Munur á milli breytinga

'''Klassísk fornöld''' er [[hugtak]] sem er notað um grísk-rómverskan tíma, þ.e. [[Fornöld|fornaldarsögu]] [[Grikkland hið forna|Grikklands]] og [[Rómaveldi]]s. Í Grikklandi er sá tími er oftast miðaður við árið [[776 f.Kr.]] þegar [[ólympíuleikarnir]] voru fyrst haldnir, enda þótt til séu töluvert eldri ritaðar heimildir á [[gríska|grísku]]. Í sögu Rómar er miðað við hefðbundið ártal fyrir stofnun borgarinnar [[753 f.Kr.]], þrátt fyrir að ritaðar heimildir á [[Latína|latínu]] séu nokkuð yngri.

Hugtakið ''klassískur tími'' er notað bæði í sögu Grikklands og Rómaveldis og vísar þá til þess tíma í klassískri fornöld sem talinn er vera blómatími þessara svæða. Í sögu Grikklands er [[5. öld f.Kr.|5.]] og [[4. öld f.Kr.]] kallaðar klassískur tími en tímabilið þar á undan kallast [[snemmgrískur tími]]; oftast er upphaf klassíska tímans í Grikklandi miðað við [[Persastríðin]], annaðhvort [[Orrustan við Maraþon|orrustuna við Maraþon]] eða endalok styrjaldarinnar eftir [[Orrustan við Plataju|orrustuna við Plataju]], en endalok hans miðast við upphaf [[Hellenískur tími|hellenísks tíma]], sem hófthófst árið [[323 f.Kr.]] þegar [[Alexander mikli]] lést. Í sögu Rómar er klassískur tími venjulega talinn sá tími þegar skrifuð var svonefnd ''[[gullaldarlatína]]''. Sá tími er talinn vara frá [[80 f.Kr.]] til [[14|14 e.Kr.]]