„Galileo Galilei“: Munur á milli breytinga

'''Galileo Galilei''' ([[15. febrúar]] [[1564]] – [[8. janúar]] [[1642]]) var [[Ítalía|ítalskur]] [[frægir stærðfræðingar|stærðfræðingur]], [[stjörnufræði]]ngur og [[eðlisfræði]]ngur. Hann var upphafsmaður þess að samhæfa [[Kenning|kenningu]] og [[Tilraun|tilraunir]] í [[eðlisfræði]]. Hann leiddi út [[lögmál]]ið um jafna [[hröðun]] fallandi hlutar, s = (1/2)at² og sannreyndi það með tilraunum. Einnig leiddi hann út [[Fleygbogi|fleygbogaferil]] hlutar á flugi í [[þyngdarsvið]]i. Hann fann upp [[Sjónauki|sjónaukann]] og gerði fyrstur manna merkar og framúrskarandi athuganir með sjónauka á stjarnfræðilegum fyrirbærum. Seinna á ævi hans olli stuðningur hans við kenningar Kópernikusar um það að [[Reikistjarna|reikistjörnurnar]] gengju umhverfis [[Sól|sólina]] árekstri við kirkjuna og sat hann í [[stofufangelsi]] vegna þessara kenninga sinna. Hann hefur alla tíð verið gífurlega mikils metinn fræðimaður og sést það best á því að hann hefur verið nefndur „faðir nútíma stjarnfræði“, „faðir nútíma eðlisfræði“ og „faðir vísindanna“.