„Dufgussynir“: Munur á milli breytinga
Efni eytt Efni bætt við
Skúmhöttur (spjall | framlög) Ekkert breytingarágrip |
Ekkert breytingarágrip |
||
Lína 1:
'''Dufgussynir''' voru nafnkunnir bræður á [[Sturlungaöld]], liðsmenn [[Sturlungar|Sturlunga]] og frændur. Þeir voru synir Dufgusar Þorleifssonar (Dufgúsar) bónda á [[Sauðafell]]i í Dölum, Hjarðarholti og Stafholti, en Þuríður móðir hans var laundóttir [[Hvamm-Sturla|Hvamm-Sturlu]]. Bræðurnir voru fjórir: Svarthöfði, Kolbeinn grön, Björn drumbur og Björn kægill (eða Kægil-Björn). Þeir þóttu hraustir og miklir bardagamenn og voru jafnan í liði Sturlunga, fyrst með Sturlu Sighvatssyni og síðar meðal annars með Þórði kakala og koma mjög víða við sögu í Sturlungu.
Kægil-Björn var veginn af mönnum [[Kolbeinn ungi Arnórsson|Kolbeins unga]] í [[Króksfjörður|Króksfirði]] [[18. apríl]] [[1244]], sagður hafa dáið hlæjandi.
Björn drumbur var í brúðkaupinu á [[Flugumýri]] 1253, en þegar hann reið heim úr veislunni mætti hann brennumönnum á [[Öxnadalsheiði]] og í hópi þeirra var bróðir hans, Kolbeinn grön. Björn drumbur vildi ekki fara með þeim að Gissuri. Hann er talinn hafa verið friðsamastur þeirra bræðra; bjó í Hjarðarholti og lifði fram yfir 1284 en var dáinn 1289. Kolbeinn var við [[Flugumýrarbrenna|brennuna]] og sótti [[Ingibjörg Sturludóttir|Ingibjörgu Sturludóttur]] frænku sína inn í eldinn og bjargaði henni. Gissur jarl lét drepa hann á [[Espihóll|Espihóli]] í Eyjafirði [[1254]]. Svarthöfði kvæntist 1240 Herdísi, dóttur [[Oddur Álason|Odds Álasonar]], og bjuggu þau á [[Hrafnseyri|Eyri]] í Arnarfirði. Synir þeirra voru Áli og Björn, sem giftist Ingibjörgu Gunnarsdóttur, frillu [[Gissur Þorvaldsson|Gissurar Þorvaldssonar]], eftir lát hans. Svarthöfði var í liði [[Hrafn Oddsson|Hrafns Oddssonar]] á [[Þverárfundur|Þverárfundi]] 1255 og særðist þar; eftir bardagann kom [[Þorgils skarði Böðvarsson|Þorgils skarði]] að honum við bænhúsvegg á Þverá þar sem hann var „særðr meiðsla sárum, höggvinn um þvert andlitið, bað hann griða heldr ákafliga, Þórgils gaf honum grið“. ''Dufgus'' er [[gelíska|gelískt]] nafn og merkir svarthöfði eða hinn dökkhærði (dubh = svartur, dökkur / gaoisid = hár, hrosshár). Nafnið ''Svarthöfði Dufgusson'' bendir til að menn hafi vitað hver var merking orðsins ''Dufgus''.
| |||