„Deilatafla“: Munur á milli breytinga

Þessi '''deilatafla''' samanstendur af [[deilir|deilum]] talnanna 1-1000. Með orðinu deilir er átt við sérhverja tölu, a, sem gengur upp í tiltekinni tölu, b, þar sem a og b eru heilar, pósitífar tölur. Sem dæmi eru deilar tölunnar 7 1 og 7 og deilar tölunnar 36 eru 1,2,3,4,6,9,12,18 og 36. Talan 1 er deilir sérhverrar tölu og sérhver tala er deilir sjálfrar sín. Þeir deilar sem eru minni en talan sjálf kallast eiginlegir deilar. Sé summa eiginlegra deila minni en talan sjálf (dæmi: 10) kallast talan fátækleg tala (deficient number). Ef summa eiginlegra deila er stærri en talan sjálf (dæmi: 36) kallast hún auðug tala (abundant number). Sé summa eiginlegu deilanna jöfn tölunni sjálfri, kallast hún fullkomin tala (dæmi: 6). Í töflunni eru fátæklegar tölur merktar með - (mínus), auðugar með + (plús) og fullkomnar tölur eru feit- og skáletraðar. Aðeins ein tala hefur einn deili og ekki fleiri, það er talan 1 og kallast hún eining(in). Sumar tölur hafa nákvæmlega tvo deila, sem eru 1 og talan sjálf, þær tölur kallast frumtölur og eru óþáttanlegar. Allar aðrar tölur (heilar, pósitífar) kallast samsettar tölur og eru þáttanlegar.