„René Goscinny“: Munur á milli breytinga
Efni eytt Efni bætt við
TKSnaevarr (spjall | framlög) Ekkert breytingarágrip |
Ekkert breytingarágrip |
||
Lína 1:
[[Mynd:René Goscinny.jpg|thumbnail|hægri|180px|René Goscinny]]
'''René Goscinny''' ([[14. ágúst]] [[1926]] – [[5. nóvember]] [[1977]]) var [[Frakkland|franskur]] [[Myndasaga|myndasöguhöfundur]]. Goscinny er þekktastur fyrir skrif sín í myndasögunum um [[Ástríkur og víðfræg afrek hans|Ástrík gallvaska]] sem hann skapaði ásamt teiknaranum [[Albert Uderzo]]. Goscinny skrifaði einnig fyrir aðrar myndasögur og á meðal þeirra voru ''[[Lukku Láki]]'' (myndskreytt af [[Morris]]), ''[[Ævintýri Harúns hins milda|Fláráður]]'' (sem hann skapaði ásamt teiknaranum [[Jean Tabary]]) og ''[[Litli Lási]]'' (sem hann skapaði ásamt teiknaranum [[Jean-Jacques Sempé|Sempé]]).
== Ævi og störf ==
René Goscinny fæddist í [[París]] þann 14. ágúst árið 1926, sonur gyðingahjóna sem fædd voru í [[Pólland|Póllandi]] og [[Úkraína|Úkraínu]]. Faðirinn var efnafræðingur og vegna starfa hans bjó fjölskyldan lengi í [[Rómanska Ameríka|Rómönsku Ameríku]], einkum í [[Argentína|Argentínu]] þar sem teiknihæfileikar Goscinny komu fyrst í ljós.
Þegar hann var sextán ára gamall dó faðirinn snögglega úr heilablóðfalli. Goscinny réðst þá til starfa á auglýsingastofu og árið 1946 fluttist hann til Bandaríkjanna í von um að fá vinnu hjá [[Walt Disney-fyrirtækið|Disney-fyrirtækinu]]. Sú von rættist ekki, en þess í stað fékk hann starf hjá litlu teiknistúdíói sem hafði meðal annars á að skipa teiknurum sem síðar hófu störf hjá hinu kunna MAD-tímariti.
Í Bandaríkjunum kynntist Goscinny [[Belgía|belgíska]] þríeykinu [[Jijé]], [[Morris]] og [[André Franquin|Franquin]], sem einnig höfðu flutt vestur um haf í von um starf hjá Disney. Jijé sannfærði Goscinny um að hæfileikar hans lægju frekar í að semja myndasöguhandrit en sem teiknari. Engu að síður sendi hann frá sér fáeinar myndasögur sem birtust undir dulnefni í belgískum blöðum um miðjan sjötta áratuginn.
Eftir að dvölinni í Bandaríkjunum lauk fluttist Goscinny til Frakklands þar sem hann tók við stjórn Parísarskrifstofu fréttastofunnar World´s Presse. Þar kynntist hann [[Albert Uderzo]] sem átti eftir að verða hans helsti samstarfsmaður ævina á enda. Þeir sömdu saman myndasögur um indíánastrákinn Oumpah-Pah, en þær sögur voru að mörgu leyti undanfari sagnanna um [[Ástríkur gallvaski|Ástrík gallvaska]].
[[Morris]] höfundur bókanna um [[Lukku-Láki|Lukku-Láka]] fékk Goscinny til að semja handrit fyrir sig, en upphaflega hafði Morris bæði samið og teiknað sögurnar sjálfur. Samstarfið reyndist heilladrjúgt og kom Goscinny að því að skapa flestar af eftirminnilegustu aukapersónum bókaflokksins. Eru sögurnar sem Morris og Goscinny unnu í sameiningu almennt taldar hápunktur sagnanna um Lukku-Láka. Á sama hátt skapaði Goscinny persónuna [[Ævintýri Harúns hins milda|Fláráð stórvesír]] í samstarfi við [[Jean Tabary]].
Rithöfundahæfileikar Goscinny voru ekki bundnar við gerð myndasöguhandrita. Hann samdi barnasögur um óþekktarangann [[Litli Lási|Litla Lása]] (fr. ''Le petit Nicolas'') sem myndskreyttar voru af [[Jean-Jacques Sempé|Sempé]]. Það urðu geysivinsælar barnabækur sem segja frá uppátækjum ungs pilts og skólafélaga hans. Vinsælar kvikmyndir hafa verið gerðar eftir þessum sögum.
Kunnastur er Goscinny þó fyrir sögur þeirra Uderzo um Gallann Ástrík sem hófu göngu sína árið 1959. Vinsældir Ástríks jukust með hverri bók og seldust sögurnar í fáheyrðum upplögum í Frakklandi og víðar um heim. Samstarfi þeirra félaganna lauk þó sviplega árið 1977 þegar Goscinny lést skyndilega af völdum hjartaáfalls. Var fráfall hans reiðarslag fyrir fransk/belgíska myndasöguheiminn.<ref>{{vefheimild|url= http://sveppagreifinn.blogspot.com/2019/12/140-rene-goscinny.html|titill=''René Goscinny'', Hrakfarir og heimskupör 6. desember 2019}}</ref>
== Tenglar ==
* [http://www.goscinny.net/ Heimasíða]
== Tilvísanir ==
{{reflist}}
[[Flokkur:Franskir myndasöguhöfundar|Goscinny, René]]
[[Flokkur:Ástríkur]]
| |||