„Dýjafjallshnjúkur“: Munur á milli breytinga

{{CommonsCat|Dýjafjallshnjúkur}}

'''Dýjafjallshnjúkur''' er hæsti hnjúkur í fjallahringnum kring um [[Svarfaðardalur|Svarfaðardal]] og [[Skíðadalur|Skíðadal]] og jafnframt hæsta fjall á [[Tröllaskagi|Tröllaskaga]] norðan [[Öxnadalur|Öxnadals]], 1445 m hátt. Dýjafjallið, sem hnjúkurinn heitir eftir, er allt fjallið sem liggur að Klængshólsdal að austan og nær yfir Kvarnárdalsöxl, Kvarnárdalshnjúk og Dýjafjallshnjúk. Það er að mestu hlaðið upp úr basaltlögum með setlögum inn á milli. Hnjúkurinn er flatur að ofan eins og margir háhnjúkar á þessum slóðum. Tiltölulega gott er að ganga á hnjúkinn en fjallgangan tekur þó drjúgan tíma. Um ýmsar leiðir er að ræða bæði úr [[Hörgárdalur|Hörgárdal]] og Skíðadal en algengasta gönguleiðin er upp frá [[Klængshóll|Klængshóli]] í Skíðadal. Þar er gengið upp hlíðina og farið inn á Klængshólsdal. Á miðjum dal er síðan haldið á fjallið sjálft upp bratta en torfærulausa hlíð. Af Dýjafjallshnjúk er mikil útsýn yfir Tröllaskaga og [[Eyjafjörður|Eyjafjörð]] en einnig sést allt vestur á Strandir og austur um Þingeyjarsýslur og [[Ódáðahraun]].

 

== Heimildir ==