„Madagaskar“: Munur á milli breytinga

}}

'''Madagaskar''' ([[malagasíska]]: ''Madagasikara''), áður þekkt sem [[Malagasalýðveldið]], er [[eyríki]] í [[Indlandshaf]]i undan austurströnd [[Afríka|Afríku]]. Ríkið nær yfir eyjuna Madagaskar, sem er [[Listi stærstu eyja heims|fjórða stærsta eyja heims]], og fjölda nærliggjandi eyja. Eyjan klofnaði frá [[Indlandsskagi|Indlandsskaga]] þegar risameginlandið [[Gondvana]] brotnaði upp. Eftir það þróuðust dýr og plöntur eyjarinnar í tiltölulega mikilli einangrun. Vegna þessa er Madagaskar einn af þeim stöðum þar sem líffjölbreytni er mest í heiminum. Þar lifa fimm [[prósent]] allra plöntu- og dýrategunda [[jörðin|heimsins]] og 90% þeirra eru eingöngu til á Madagaskar. Meðal þess sem helst einkennir náttúru Madagaskar eru [[lemúrar]] og [[baobabtré]]. Fjölbreytt vistkerfi og líffræðileg fjölbreytni eyjarinnar er í hættu vegna sívaxandi mannfjölda og annarra breytinga í umhverfinu.