„Galisía“: Munur á milli breytinga

Galisía er 29,574 ferkílómetrar og íbúar héraðsins voru um 2.780.000 árið 2008. Héraðið, sem fékk sjálfstjórn árið [[1981]], skiptist í sýslurnar A Coruña, Lugo, Ourense and Pontevedra. Höfuðstaðurinn er [[Santiago de Compostela]] í A Coruña-sýslu en fjölmennasti bærinn er [[Vigo]] í Pontevedra-sýslu. Opinber tungumál í Galisíu eru tvö, spænska og [[galisíska]], sem er skyld [[portúgalska|portúgölsku]].

 

Konungsríki var stofnað í Galisíu árið 395. [[Vísigotar]] náðu því á sitt vald seinna en [[Márar]] náðu aldrei eiginlegum völdum þar og [[Alfonso 1. Astúríukonungur]] rak þá burt árið [[739]] og innlimaði um leið Galisíu í ríki sitt. Síðar varð það hluti af konungsríkinu [[Konungsríkið Kastilía og León|Kastilíu og Leon]] en naut þó stundum nokkurrar sjálfstjórnar.

 

Galisíubúar lifðu löngum af [[Landbúnaður|landbúnaði]] og [[fiskveiðar|fiskveiðum]] og sumir höfðu einnig góðar tekjur af þjónustu við [[pílagrímur|pílagríma]] eftir að [[pílagrímsferð]]ir að gröf [[Jakob postuli|heilags Jakobs]] í Santiago de Compostela hófust á 9. öld. Á 20. öld varð mikil iðnaðaruppbygging í héraðinu, þar eru meðal annars bílaverksmiðjur og vefnaðariðnaður. Í bænum Arteixo í A Coruña-sýslu eru höfuðstöðvar [[Inditex]], stærstu vefnaðarvörukeðju Evrópu og þeirrar næststærstu í heimi en þekktasta vörumerki keðjunnar er [[Zara]].