„Eykt“: Munur á milli breytinga

'''Eykt''' er heiti á [[tími|tímalengd]], sem er einn áttundi hluti [[sólarhringur|sólarhringsins]] eða því sem næst þrjár [[klukkustund]]ir hver. Eyktamörk eru þegar ein eykt endar og sú næsta byrjar. Eyktamörkin gengu undir ákveðnum heitum og voru helstu [[tími|tímaviðmiðanir]] í daglegu tali. Þau hétu: miðnætti (kl. 24=0), ótta (kl. 3), miður morgunn eða rismál (kl. 6), dagmál (kl. 9), hádegi (kl. 12), nón (kl. 15), miður aftann (eða miðaftann) (kl. 18) og náttmál (kl. 21). Einnig var orðið eyktamark haft um viðmiðunarstaði, svo sem [[fjall|fjallatoppa]], hóla eða hæðir eða jafnvel hlaðnar [[varða|vörður]], sem [[sól]]ina bar í séð frá ákveðnum [[bær|bæ]], á tilteknum tíma. Algengt var að slíkir staðir hétu eftir eyktamörkunum, svo sem eins og Nónvarða, Hádegishnúkur eða eitthvað slíkt.