„Manchester“: Munur á milli breytinga

*[[Ráðhúsið í Manchester]] er ægifögur bygging við Albertstorgið í miðborginni. Það var reist í nýgotneskum stíl og vígð [[1877]]. Turninn er 87 m hár og í honum er klukknaverk með 23 bjöllum. Sú stærsta kallast Great Abel og vegur rúmlega 8 tonn. Helsti salur ráðhússins er Stóri salur (Great Hall) og er 30x15 m stór. Hann er skreyttur með 12 stórum veggmálverkum sem sýna atriði úr sögu borgarinnar. Eftir viðbætur [[1934]]-[[1938|38]] fékk byggingin tvær göngubrýr í nærliggjandi hús.

*[[Dómkirkjan í Manchester]] er ein elsta nústandandi bygging borgarinnar. Hún var reist [[1421]]-[[1506]] í síðgotneskum stíl og helguð [[María mey|Maríu mey]], heilögum Díónýsíusi og [[Heilagur Georg|heilögum Georgi]]. Kirkjan var í upphafi kaþólsk, en var breytt í anglíska kirkju skömmu eftir vígsluna. [[1847]] varð hún að dómkirkju. [[1864]] var turninn rifinn og nýr reistur. Hann var ferhyrndur eins og sá gamli, en hærri. Kirkjan skemmdist talsvert í loftárásum [[1940]]. Viðgerðir stóðu allt til [[1960]]. Árið [[2007]] baðst stórfyrirtækið [[Sony]] afsökunar á því að hafa notað 3D mynd af dómkirkjunni í Manchester í bardagatölvuleiknum ''Resistance: Fall of Man''.

*Beethamturninn[[Beetham-turninn]] (Beetham Tower) er hæsta bygging borgarinnar og er 168 m há. Hér er um íbúðahús að ræða og sem slík hæsta íbúðahús [[Evrópa|Evrópu]]. Byggingin er að sama skapi hæsta hús Englands utan London. Það var vígt [[2004]]-[[2006]] og átti að vera þremur hæðum hærra. En sökum þess hve mjótt húsið er, svignar það of mikið í vindi. Mörgum finnst byggingin ófögur.

*Járnbrautarstöðin í Liverpool Road er elsta járnbrautarstöð heims. Hún var vígð [[15. september]] [[1830]] og notuð fyrir farþegaflutninga til og frá [[Liverpool]], elstu járnbrautarlínu heims. Stöðin er lítil og gerð úr tígulsteinum. Henni var lokað fyrir farþegaflutningum þegar árið [[1844]], er ný lína var opnuð, en notuð áfram fyrir vöruflutninga allt til [[1975]]. Þá keypti sjónvarpsfyrirtækið [[Granada Television]] húsið og framleiddi þar sjónvarpsþættina [[Coronation Street]]. Í dag er vísindasafn í byggingunni.