„Hans Christian Gram“: Munur á milli breytinga

Í Berlín dvaldi Gram hjá [[Carl Friedländer]] og vann þar að rannsóknum á orsakavöldum [[lungnabólga|lungnabólgu]]. Meðal þeirra verkefna sem Gram glímdi við var að finna leið til að greina lungnabólgusýkla í lungnavefjarsýnum með litunaraðferð þannig að aðeins sýkillinn litaðist en ekki frumur lungnavefjarins. Hann þróaði litunaraðferð þar sem sýnið var litað með ''crystal violet'' og síðan meðhöndlað með joðlausn fyrir aflitun með etanóli. Aðferðin reyndist nothæf á sum vefjasýnin, en ekki önnur. Við nánari skoðun komst Gram að því að aðeins sumir lungnabólgusýklar, svo sem "pneumókokkar"„pneumókokkar“ (''[[Streptococcus pneumoniae]]'') héldu fjólubláa litnum, en aðrir, svo sem ''[[Klebsiella pneumoniae]]'', aflituðust líkt og vefjarfrumurnar. Hann birti niðurstöður sínar, þó hann teldi aðferð sína "ófullkomna".<ref name=Gram84>'''H. C. J. Gram''' (1884). Über die isolierte Färbung der Schizomyceten in Schnitt- und Trockenpräparaten. ''Fortschritte der Medizin'' '''2''', 135-139.</ref> Örverufræðingar, svo sem [[Émile Roux]], voru þó fljótir að átta sig á notagildi aðferðarinnar við að greina í sundur ólíkar bakteríugerðir og fáeinum árum síkðar greindi þýski [[meinafræði]]ngurinn [[Carl Weigert]] frá endurbættri aðferð þar sem aflitaða sýnið var endurlitað með safraníni, en við það má lita bæði ''Gram-jákvæðar'' (sem halda fjólubláa ''crystal violet'' litnum) og ''Gram-neikvæðar'' (taka rauða safranín litinn) bakteríur í sama sýninu.