„Hamarsfjörður“: Munur á milli breytinga

'''Hamarsfjörður''' er grunnur [[fjörður]] eða [[lón]] í [[Suður-Múlasýsla|Suður-Múlasýslu]], hann liggur á milli [[Melrakkanes|Melrakkness]] og [[Búlandsnes|Búlandsness]]. Fyrir sunnan fjörðinn er [[Álftafjörður]] en [[Berufjörður]] að austan. Fyrir utan [[Álftafjörð]] og Hamarsfjörð liggur [[sandrif]] og lokar það fjörðunum.

Inn af firðinum liggur [[Hamarsdalur]], og í fjörðinn rennur [[Hamarsá]].

== Sögufrægir staðir í Hamarsfirði ==

[[Bragðavellir]] er bær í Hamarsfirði í [[Djúpavogshreppur|Djúpavogshreppi]]. Þar fannst elsti peningur sem fundist hefur á [[Ísland|Íslandi]] en það er [[rómverskur]] koparpeningur sem sleginn var í borginni [[Cyzicus]] í [[Litla-Asía|Litlu-Asíu]] á árunum 270-75 e. Kr. Hann fannst í húsarústum á Bragðavöllum í Hamarsfirði árið [[1933]] en [[1905]] hafði fundist þar annar rómverskur peningur, lítillega yngri, frá 276-82 e. Kr., sem sleginn var í [[Róm]]. Í hvorugt skiptið var gerð nein [[fornleifarannsókn]] á staðnum þannig að erfitt er að segja mikið um af hverju þessir peningar lágu þarna. Af öðrum gripum sem fundust á Bragðavöllum má þó ætla að rústirnar séu miklu yngri en peningarnir, frá [[víkingaöld]] eða síðar. [[Fræðimenn|Fræðimönnum]] hefur orðið mjög tíðrætt um þessa peninga og hefur verið stungið upp á að þeir sýni að Rómverjar hafi komið hingað, að peningarnir hafi komið með [[Papar|Pöpum]] eða að þeir hafi komið með norrænum mönnum á víkingaöld.

 

* [http://www.djupivogur.is Djúpivogur]

* [http://www.rikardssafn.is Ríkarðssafn]

 

[[Flokkur:Djúpavogshreppur]]