Gamma (fjármálafyrirtæki)

GAMMA (eða GAMMA Capital Management hf) er rekstrarfélag verðbréfasjóða sem var stofnað í júní árið 2008.

GAMMA er nú (árið 2017) með um 140 milljarða króna í stýringu  fyrir m.a. lífeyrissjóði, tryggingarfélög, innlendar og erlendar bankastofnanir, fyrirtæki og einstaklinga. Félagið rekur fjölda sjóða, bæði hefðbundna verðbréfasjóði, fjárfestingarsjóði og fagfjárfestasjóði. Þá hefur félagið jafnframt sinnt mörgum samfélagsverkefnum styrkt við menningu og listir, bæði á Íslandi og erlendis.

Höfuðstöðvar GAMMA eru í Reykjavík en félagið rekur einnig skrifstofur í London og New York.

Stjórn félagsins skipa þau Hlíf Sturludóttir (stjórnarformaður), Gunnar Sturluson hrl. og Sveinn Biering Jónsson.

Eigendur GAMMA

GAMMA er stofnað af Gísla Haukssyni og Agnari Tómasi Möller. Þeir eru jafnframt stærstu eigendur félagsins.

• Ægir Invest ehf. (30,97%) - Gísli Hauksson á 100% hlutafjár í Ægi Invest ehf.,
• Agnar Tómas Möller (30,97%), 
• Straumnes eignarhaldsfélag ehf. (9,99%) - Straumnes  eignarhaldsfélag ehf. er í eigu Helgafells eignarhaldsfélags ehf., sem er í eigu  Ara Fenger, Bjargar Fenger og Kristínar Fenger, 
• Volga ehf. (9,99%) - Guðmundur Björnsson á 100% hlutafjár í Volga ehf., 
• GAMMA Capital Management hf (6,5%), 
• Valdimar Ármann (4,97%), 
• LTT ehf. (3,6%) - Lýður Þór Þorgeirsson á 100% hlutafjár í LTT ehf., 
• Polygon ehf. (2%) - Jónmundur Guðmarsson á 100% hlutafjár í Polygon ehf. og 
• Úlfsdalir ehf. (1%) - Ragnar Jónasson á 100% hlutafjár í Úlfsdalir ehf.

Sjóðir GAMMA

• GAMMA: GOV (Verðbréfasjóður, stofnaður árið 2009)
• GAMMA: INDEX (Verðbréfasjóður, stofnaður árið 2010)
• GAMMA: TOTAL RETURN (Fjárfestingarsjóður, stofnaður árið 2012)
• GAMMA: EQUITY (Fjárfestingarsjóður, stofnaður árið 2013)
• GAMMA: CREDIT (Fjárfestingarsjóður, stofnaður árið 2013)
• GAMMA: COVERED (Fjárfestingarsjóður, stofnaður árið 2015)
• GAMMA: LIQUID (Fjárfestingarsjóður, stofnaður árið 2016)
• GAMMA: EQ1 (Fagfjárfestasjóður, stofnaður árið 2011)
• GAMMA: FIXED INCOME (Fagfjárfestasjóður, stofnaður árið 2009)
• GAMMA: GLOBAL INVEST (Fjárfestingarsjóður, stofnaður árið 2016)

Ráðgjöf

GAMMA Ráðgjöf hefur frá stofnun félagsins veitt fyrirtækjaráðgjöf mörgum af stærstu fyrirtækjum landsins. Meðal þeirra fyrirtækja sem GAMMA Ráðgjöf hefur veitt þjónustu eru Marel, Reitir, TM, Sjóvá, CCP, Bláa lónið, MP Banki, HB Grandi, HS Orka og fleiri. Þá hefur félagið einnig sinnt ráðgjafaverkefnum fyrir aðra aðila, s.s. fyrirtæki, opinberar stofnanir, lífeyrissjóði og sveitafélög auk þess að veita minni fyrirtækjum ráðgjöf auk þess að sinna efnahagsráðgjöf og greiningum fyrir stjórnvöld, sjóði, sveitarfélög, fyrirtæki og erlenda aðila. 

Útgefin ráðgjafaverkefni GAMMA eru meðal annars:

• HS Orka & Bláa lónið: Auðlindagarður á Reykjanesi (PDF) útg. maí 2015
• Landsvirkjun: Sæstrengur og hagur heimilanna (PDF) Útg. september 2013
• Samtök fjármálafyrirtækja: Verðtrygging - nauðsyn eða val? (PDF) Útg. september 2012
• Efnhagsleg áhrif af rekstri og arðsemi Landsvirkjunar til ársins 2035 (PDF) Útg. júní 2011
• Alþingi:  Umsögn um Icesave, 388. mál, þskj. 546 Útg. janúar 2011

Skýrsla GAMMA um sæstreng hlaut mikla athygli og vakti umræðu í þjóðfélaginu eftir að hún var gefin út. Tveimur árum áður hafði GAMMA gefið út skýrslu um efnahagsleg áhrif af rekstri og arðsemi Landsvirkjunar sem einnig vakti athygli.

Árið 2015 vann GAMMA Ráðgjöf ítarlega skýrslu  fyrir HS Orku og Bláa Lónið þar sem fjallað var um efnahagsleg áhrif Auðlindagarðs á Reykjanesi. Samkvæmt skýrslunni má ætla verðmætasköpun innan Auðlindagarðsins hafi verið umtalsvert meiri en sem nemur verðmætasköpun þjóðarbúsins á árunum 2008-2013 og að Auðlindagarðurinn hafi verið uppspretta nýrra starfa á Reykjanesi. Í skýrslunni kemur fram að ætla megi að atvinnuleysi á Suðurnesjum hefði verið um tveimur prósentustigum hærra ef garðsins hefði ekki notið við þar sem eitt af hverjum fjórum nýjum störfum sem urðu til á Suðurnesjunum mætti rekja til Auðlindagarðsins.

Árið 2016 gaf GAMMA Ráðgjöf einnig út ítarlega skýrslu um innviðauppbyggingu á Íslandi. Í skýrslunni, sem gefin var út á ensku, kom fram að uppsöfnuð fjárfestingarþörf í innviðum hér á landi næmi um 230 milljörðum króna. Höfundar skýrslunnar mátu það sem svo að á næstu sjö til tíu árum þurfi að fjárfesta í innviðum hér á landi fyrir hátt í 600 milljarða króna.  

Samfélagsverkefni

GAMMA tekur virkan þátt í að styrkja ýmis samfélagsleg verkefni og starfsemi. Gamma hefur til dæmis verið aðalstyrktaraðili Sinfóníuhljómveitar Íslands frá árinu 2013 en hefur styrkt starfsemi hljómsveitarinnar frá 2011. Þá er GAMMA aðalstyrktaraðili Reykjavíkurskákmótsins 2015-2018. GAMMA er einnig bakhjarl hins íslenska bókmenntafélags sem er elsta starfandi félag á Íslandi en það var stofnað árið 1816.

GAMMA hefur frá stofnun félagsins lagt mikla áherslu á hin ýmsu samfélagsverkefni, þá sérstaklega þeim sem tengjast menningu og listum. GAMMA hefur verið styrktaraðili Sinfóníuhljómsveitar Íslands frá árinu 2011 og aðalstyrktaraðili frá árinu 2013. Samningur GAMMA og Sinfóníuhljómsveitarinnar gildir til ársins 2020.

GAMMA er einnig aðalstyrktaraðili Reykjavíkurskákmótsins 2015-2018 og bakhjarl hins íslenska bókmenntafélags, sem er elsta starfandi félag á Íslandi en það var stofnað árið 1816.

GAMMA er jafnframt styrktaraðili Little Sun verkefnisins. Little Sun er sólarljós hannað af Ólafi Elíassyni í samstarfi við verkfræðinginn Frederik Ottesen til að gefa sem flestum kost á vistvænum ljósgjafa.

Frá árinu 2017 er GAMMA jafnframt aðalstyrktaraðili listamannasetursins Berangurs, undir Heklurótum, sem reist er í minningu listmálarans Georgs Guðna, sem féll frá langt um aldur fram árið 2011. Þá var GAMMA jafnframt aðalstyrktaraðili sýningarinnar Other Hats: Icelandic Printmaking hjá Alþjóðlegu grafíkmiðstöðinni í New York (IPCNY) vorið 2017, aðalstyrktaraðili hinnar margverðlaunuðu tónlistarhátíðar Reykjavík Midsummer Music sem haldin er að frumkvæði píanóleikarans Víkings Heiðars Ólafssonar auk þess sem félagið hefur styrkt aðra viðburði.

GAMMA rekur einnig sitt eigið listagallery fyrir samtímalist, sem staðsett er í höfuðstöðvum GAMMA í Reykjavík.

Haustið 2017 undirrituðu Breska sendiráðið, GAMMA og Framtíðin lánasjóður (sem er í eigu sjóða GAMMA), samkomulag til tveggja ára um að bjóða upp á Chevening námsstyrk á Íslandi. Styrkurinn er fyrir nám á meistarastigi við háskóla í Bretlandi og nemur 10.000 Sterlingspundum á ári.

Haustið 2017 gerðist GAMMA jafnframt styrktaraðili Arctic Circle-ráðstefnunnar til fimm ára.

GAMMA hefur einni komið að hinum ýmsu verkefnum við gerð íslenskra sjónvarpsþátta og kvikmynda. GAMMA fjárfesti í framleiðslu hinna vinsælu sjónvarpsþátta Ófærð auk þess sem félagið kom að fjármögnun og fjármálaráðgjöf vegna íslensku spennumyndarinnar Ég man þig sem byggð er á metsölubók Yrsu Sigurðardóttur. 

Novus og Anglia hneikslið

Í oktoberbyrjun 2019 neyddust tveir sjóðir í stýringu GAMMA, GAMMA Novus og GAMMA Anglia til að færa niður virði eigna sinna um milljarða króna. Fleiri sjóðir á vegum félagsins höfðu a sama tíma egnig verið í vandræðum.

Af hálfu gamma var niðurfærslan m.a. útskýrð með því að raunveruleg framvinda tiltekinna verkefna hefði verið ofmetin. „Þá hefur fram­kvæmda­kostn­aður verið tals­vert yfir áætl­unum á árinu"

Meðal þeirra verkefna sem fóru fram úr áætlun var bygging129 íbúða við Hafnarbraut 12 á Kársnesi.

Tengd félög

• Framtíðin er sérhæfður lánasjóður sem veitir háskólanemum bæði framfærslu- og skólagjaldalán. Sjóðurinn hóf árið 2017 einnig að veita fasteignalán.
• Almenna leigufélagið er eitt stærsta leigufélag landsins. Félagið er í eigu sjóða sem reknir eru af GAMMA og hefur þátt í uppbyggingu á leigumarkaði á Íslandi. 
• Upphaf fasteignafélag er alhliða fjárfestir á íbúðamarkaði. Félagið er rekið af sjóðum GAMMA.
• Heild fasteignafélag er meðal stærstu fasteignafélaga landsins og sérhæfir sig í atvinnuhúsnæði, atvinnulóðum og þróunarverkefnum.

Skrifstofur GAMMA

• Ísland: Garðastræti 37, 101 Reykjavík
• Bretland: 25 Upper Brook Street, Mayfair, London 
• Bandaríkin: 1450 Broadway 38th Floor, New York NY 10018.

Tenglar

• Heimasíða

Úr fjölmiðlum

• 350 íbúðir í eigu Gamma; grein í Kjarnanum 2014 Geymt 2 júlí 2014 í Wayback Machine pdf-skjal
• „Sjóðir GAMMA eiga 350 íbúðir á höfuðborgarsvæðinu“; grein af Dv.is 2014 Geymt 31 janúar 2014 í Wayback Machine
• „Keyptu fasteignir fyrir tíu milljarða í fyrra“; grein af Vb.is 2013 Geymt 15 apríl 2014 í Wayback Machine
• „Gamma færir út kvíarnar; Stofna tvo fasteignasjóði í viðbót“; grein af Dv.is 2013^{[óvirkur tengill]}
• „Gamma hyggst tvöfalda Laugaveg 77“; grein af Dv.is 2013 Geymt 24 júní 2013 í Wayback Machine
• „Sjóður kaupir yfir 100 fasteignir í miðbæ Reykjavíkur“; grein af Vísi.is 2012
• „Fasteignasjóðir kaupa fasteignir fyrir tugi milljarða“; grein af Vísi.is 2012
• „Gamma styrkir Sinfó til 2014“; grein í Fréttatímanum 2011^{[óvirkur tengill]}
• „Félag í rekstri GAMMA kaupir 450 íbúðir“; grein af Visi.is 2016
• „Allt utan­um­hald um sjóðinn og verk­efnin virðist hafa verið í skötu­líki“; grein af Vísi.is 2019