Einar Bárðarson

Einar Bárðarson MBA

Einar er í dag formaður stjórnar Tónlistarmiðstöðvar Íslands, skipaður af Lilju D. Alfreðsdóttur - menningar- og viðskiptaráðherra. Einar stýrir og framleiðir hlaðvarpsþættina Einmitt ásamt því að vinna sem sjálfstæður ráðgjafi.

Einar fyrrum framkvæmdastjóri Votlendissjóðs sem endurheimtir votlendi í samvinnu við Landgræðsluna og landeigendur til stöðvunar losunar koldíoxíðs en um leið endurheimtir vistkerfi mýranna og stuðlar að betri vatnsbúskap. Hann er upphafsmaður Plokks á Íslandi sem er samfélag um það bil 8000 íslendinga á Facebook. Hann stendur fyrir stóra plokkdeginum árlega í samvinnu við Rótarý umdæmið á Íslandi og fleiri.

Hann er fyrrum forstöðumaður Höfuðborgarstofu. Hann er jafnframt fyrrum rekstrarstjóri Reykjavík Excursions, ferðaskrifstofu Kynnisferða.

Hann gegndi stjórnarmennsku í Inspired By Iceland og sat sem varamaður í stjórn Iceland Naturally.

Þá hefur hann átt sæti í Fagráði ferðaþjónustunar og ferðaskrifstofunefnd SAF svo eitthvað sé nefnd.

Einar hafði yfirumsjón með stærstu markaðsrannsókn sem unninn hefur verið fyrir áfangastaðinn Reykjavík. Rannsóknin var unnin fyrir Samband sveitarfélaga á höfuðborgarsvæðinu, á árunum 2013 til 2015.

Hann hefur haldið fjölda kynninga, hérlendis sem erlendis, á sérstöðu ferðaþjónstunnar í Reykjavík og á Íslandi og hefur árum saman gegnt margþættu ráðgjafahlutverki á vettvangi ferðaþjónustu, viðburðahalds og markaðsmála.

Einar var um árabil einn umfangsmesti tónleikahaldari landsins og hefur sú reynsla aflað honum yfirgripsmikillar reynslu í markaðssetningu og stjórnun viðburða, stærri sem smærri.

Hann átti og rak Concert hér heima á Íslandi frá árinu 2001 til 2012 og Beliver Music í London á árunum 2005 til 2009. Platan Cortes sem Einar framleiddi og hafði yfirumsjón með upptökum á ásamt Friðriki Karslyni sat þrjár vikur á toppi lista yfir söluhæstu klassísku plötur Bretlands í apríl 2007 og var tilnefnd til Bresku tónlistarverðlaunanna árið 2008 í flokki klassískra platna. Sama plata var lang söluhæsta plata ársins 2005 á Íslandi. Einar stofnaði Nylon flokkinn árið 2004 sem gáfu út þrjár hljómplötur, DVD disk, sjónvarpsþætti á Skjá einum og bók á Íslandi. Í kjölfar velgengni á Íslandi gáfu þær út tvær smáskífur í Bretlandi og fóru á hljómleikaferð um Bretland með hljómsveitunum Westlife, Girls Aloud og McFly.

Einar var framkvæmdastjóri Íslensku tónlistarverðlaunanna frá árinu 2001 til 2005 og vann með því kynningarverkefni fyrir samband hljómplötuframleiðanda.

Einar var formaður dómnefndar í Idol Stjörnuleit og X Factor á Stöð 2 á árunum 2005 til 2007. Hann er farsæll lagahöfundur og á árunum í kringum aldamót átti hann fjölda topplaga á Íslandi og framlag Íslands til Eurovision 2001.

Árið 2009 stofnaði Einar útvarpsstöðina Kanann sem breyttist síður í K100. Einar seldi Símanum stöðina í byrjun árs 2011 sem seinna seldi Árvakri eiganda Morgunblaðins og Mbl.is stöðin sem nú rekir hana. Einar hefur stýrt vinsælum útvarpsþáttum bæði á Bylgjunni og á K100 eftir að hann seldi stöðina frá sér.

Einar var ráðgjafi Símans og Helga Björns við framleiðslu þáttanna Heima með Helga og það er komin Helgi. Þættirnir hlutu verðlaunin Tónlistarviðburður ársins 2020.

Einar er einn af eigendum Víkingamótaraðarinnar en meðal keppna í henni eru KIA Gullhringurinn, Hengill Ultra, Landsnet fjallahjólakeppnin og Now Eldslóðin. Hengill Ultra er stærsta utanvega hlaup á Íslandi og KIA Gullhringurinn er stærsta götu hjólamót á Íslandi.

Einar er giftur Áslaugu Thelmu Einarsdóttur MBA og þau eiga saman tvö börn, Klöru Þorbjörgu fædda 2006 og Einar Birgir fæddan 2008

Hann nam markaðsfræði við Mesa Community Collece og Arizona State University á árunum 1997 til 2000 og lauk MBA- prófi frá Háskólanum í Reykjavík árið 2012