Egill Jacobsen

Eg­ill Jac­ob­sen kaupmaður var fædd­ur árið 1880 og fluttist til Íslands frá Danmörku. Árið 1906 stofnaði hann vefnaðar­vöru­versl­un í miðbæ Reykjavíkur, Verzlun Egils Jacobsen, og kvænt­ist hann ís­lenskri konu og ól börn hér á landi.

Honum var margt til lista lagt og var atkvæðamikill við ýmis félags- og íþróttastörf hér á landi. Hann átti m.a. nokkurn þátt í stofnun Knattspyrnufélagsins Víkings, var um tíma formaður Knattspyrnusambands Íslands (KSÍ) og sinnti dómarastörfum á knattspyrnuleikjum á Íslandi.[1]

Á öðrum áratug 20.aldar veitti Jacobsen Íþróttasambandinu mikla og góða aðstoð við að fá danska knattspyrnuliðið Akademisk Boldklub að taka boði um Íslandsferð. AB frá Kaupmannahöfn var fyrsta erlenda liðið til að heimsækja Ísland.[2]


  1. „Húsið þar sem aldirnar mætast“. www.mbl.is . Sótt 2. október 2019.
  2. Sigmundur Ó. Steinarsson (2014). „Saga Landsliðs karla“ (PDF). KSÍ.