Díómedes

Þessi grein fjallar um argversku hetjuna úr Trójustríðinu, einn af helstu herforingjum Akkea.

Um rómverska málfræðinginn, sjá Diomedes Grammaticus. Um mannsnafnið, sjá Díómedes

Díómedes (forngríska:Διομήδης) er hetja í grískri goðafræði og er einkum þekktur fyrir þátttöku sína í Trójustríðinu. Hann var sonur Týdeifs og Deipýlu og varð síðar konungur í Argos, á eftir afa sínum, Adrastosi. Í Ilíonskviðu Hómers er Díómedes ásamt Ajasi Telamonssyni álitinn næstbesta stríðshetja Akkea. Hann er ásamt vini sínum Ódysseifi í uppáhaldi hjá Aþenu. Í Eneasarkviðu Virgils er Díómedes meðal þeirra sem földu sig í Trójuhestinum.

Stytta af Aþenu að veita Díómedesi ráð áður en hann gengur til orrustu - (Schlossbrücke, Berlín)

  Þessi fornfræðigrein er stubbur. Þú getur hjálpað til með því að bæta við greinina.