Cushing-heilkenni

Cushing-heilkenni er sjúkdómur sem orsakast af of miklu kortisóli í líkamanum. Kortisól er sykursteri sem dregur úr bólgu og hefur áhrif á efnaskipti. Þetta heilkenni getur komið fram vegna notkunar á sykurstera-lyfjum eða vegna hormónaframleiðandi æxlis.

Andlit sjúklings með Cushing-heilkenni verður oft mjög kringlótt og minnir á tungl.

Einkenni eru hár blóðþrýstingur, feitur kviður en mjóir útlimir, rauðar húðþenslurákir, kringlótt andlit, veikburða vöðvar, beinþynning, bólur, og viðkvæm húð sem er lengi að gróa. Tíðahringur getur brenglast hjá konum. Í sumum tilfellum koma fram breytingar á skapi og þreytutilfinning.

Oftast er hægt að læknast af Cushing-heilkenni, ýmist með því að draga úr notkun sykurstera eða með skurðaðgerð sé ástæðan æxli.

  Þessi heilsugrein er stubbur. Þú getur hjálpað til með því að bæta við greinina.