Cthulhu
Cthulhu er goðsagnavera sem kom fyrst fram í sögum bandaríska rithöfundarins H.P. Lovecraft. Hún kom fyrst fyrir í smásögunni „The Call of Cthulhu“ sem birtist í tímaritinu Weird Tales árið 1928. Í söguheimi Lovecrafts, sem er oftast kenndur við Cthulhu, er Cthulhu ævaforn og öflugur guð sem kom upphaflega frá geimnum til jarðar og er dýrkaður af trúarhópum víða um heim. Í sögunum er Cthulhu lýst sem blöndu af kolkrabba, dreka og eins konar mannsmynd, en sagt er að fólk sem lítur hann augum missi vitið.
