Brynjudalur
Brynjudalur er dalur fyrir botni Hvalfjarðar Brynjudalsá rennur eftir honum og eru fossar í ánni. Bæir í dalnum eru: Ingunnarstaðir, Skorhagi og Þrándarstaðir og eyðibýlið Hrísakot. Brynjudals er getið í Landnámabók: Hvamm-Þórir nam land á milli Laxár og Fossár og bjó í Hvammi. Þórir deildi við Ref hinn gamla um kú þá, er Brynja hét; við hana er dalurinn kenndur. Hún gekk þar úti með fjóra tigu nauta, og voru öll frá henni komin. Þeir Refur og Þórir börðust hjá Þórishólum; þar féll Þórir og átta menn hans.
Einnig er hans getið í Bárðar sögu Snæfellsáss og Kjalnesingasögu. Kjarr er í dalnum en Skógrækt ríkisins hóf þar skógrækt árið 1975. Brynjudalsskógur er nú í eigu Skógræktarfélags Íslands. Þar er jólatrjáarrækt og göngustígar um svæðið.
Tenglar
breyta- Ferlir - Botnsdalur o.fl
- Skógargátt - Brynjudalur Geymt 26 október 2020 í Wayback Machine