Barry Nalebuff

Barry Nalebuff (fæddur 11. júlí 1958) er Milton Steinbach-prófessor við Yale-háskóla. Hann er sérfræðingur í leikjafræði ásamt mörgum öðrum sviðum. Hann hefur skrifað heilmikið um þetta málefni og verið meðhöfundur sex ritverka um leikjafræði og hvernig það tengist viðskiptastefnum. „Thinking Strategically“ og „The Art of Strategy“ eru tvær þekktustu bækurnar sem hann hefur komið að skrifum á og hafa verið prentaðar í yfir 300 þúsund eintökum og kenndar við leikjafræði áfanga í háskólum víða um heim.

Nalebuff hefur víða komið við á akademískum ferli sínum. Áður en hann hóf störf við Yale-háskólann var hann meðlimur í Junior Society of fellows við Harvard-háskóla og starfaði sem lektor við Princeton-háskólann.

Til viðbótar við akademísk störf sín hefur Nalebuff einnig mikla reynslu af ráðgjafastörfum hjá alþjóðlegum fyrirtækjum svo sem American Espress, GE, McKinsey, Google og Rio Tinto. Hann var ráðgjafa bandarísku NBA deildarinnar í samningaviðræðum þeirra við leikmannasamtök körfuboltamanna ásamt því að vera í stjórn tryggingafélagsins Nationwide. Árið 1988 stofnaði Nalebuff, ásamt fyrrum nemanda sínum að nafni Seth Goldman, fyrirtæki sem fékk nafnið Honest Tea. Það fyrirtæki sérhæfði sig í að framleiða Íste. Það fyrirtæki óx gríðarlega eða frá því að vera með enga veltu og upp í 70 milljóna dollara veltu á ári. Fyrirtækið vakti mikla lukku og athygli og á endanum keypti Coca Cola fyrirtækið árið 2011.

Menntun

Eftir að Nalebuff útskrfaðist frá Belmont Hill framhaldskólanum hélt hann í nám við MIT (Massachusett Institute of Technology) þar sem hann útskrifaðist árið 1980 með gráðu í hagfræði og stærðfræði. Hann síðar meir kláraði meistaragráðu sína ásamt doktorsprófi frá Oxford Háskólanum á Rhodes skólastyrk.

Afrek og verðlaun

• Jerry S. Cohen Memorial Fund Writing Award (Fyrir „Exclusionary Bundling“ greinina)
• Miegunyah Fellowship, Háskólinn í Melbourne, 1998
• Sloan Fellowship, 1989 – 1991
• Bicentennial Preceptorship, Princeton-háskóli, 1989 – 1991
• Junior Fellow, Society of Fellows, Harvard-háskóli, 1982 – 1985
• Rhodes Scholar, Massachusetts og Nuffield-háskólinn, 1980 – 1982

Viðskiptaferill

• Honest Tea (Stjórnarformaður og meðstofnandi)
• Nationwide Mutual (Tryggingarfélag)

Ritstjórn

Aðstoðarritstjóri:

• Journal of Conflict Resolution
• Journal of Law, Economics and Organization

Bækur

• The Art of Strategy: A Game Theorist’s Guide to Success in Business and Life (með A. Dixit), W. W. Norton, 2008
• Why Not? How to Use Everyday Ingenuity to Solve Problems Big and Small (með I. Ayres), Harvard Business School Press, 2003.
• Co-opetition (með A. Brandenburger), Currency/Doubleday, 1996.
• Thinking Strategically: The Competitive Edge in Business, Politics and Everyday Life (með A. Dixit), W.W. Norton, 1991.
• Economics for an Imperfect World : Essays in Honor of Joseph E. Stiglitz (með R. Arnott, B. Greenwald, and R. Kanbur, eds.), MIT Press, 2003