Ba'ath-flokkurinn
Arabíski sósíalíski ba'ath-flokkurinn (arabíska: حزب البعث العربي الاشتراكي Ḥizb Al-Ba‘ath Al-‘Arabī Al-Ishtirākī) var stjórnmálaflokkur sem Michel Aflaq, Salah al-Din al-Bitar og samstarfsmenn Zaki al-Arsuzi stofnuðu í Sýrlandi árið 1947. Flokkurinn aðhylltist ba'athisma (úr arabísku: البعث Al-Ba'ath eða Ba'ath sem merkir „endurreisn“) sem gengur út á sameiningu allra Arabaríkja í eitt sjálfstætt ríki. Flokkurinn breiddist hratt til annarra Arabaríkja en náði einungis völdum í tveimur þeirra: Írak og Sýrlandi.
![](http://upload.wikimedia.org/wikipedia/commons/thumb/3/35/Flag_of_the_Ba%27ath_Party.svg/220px-Flag_of_the_Ba%27ath_Party.svg.png)
Flokkurinn klofnaði eftir valdaránið í Sýrlandi 1966 í íraska og sýrlenska Ba'ath-flokkinn.