Atburður (líkindafræði)

Í líkindafræði er atburður mengi útkoma eða með öðrum orðum hlutmengi í útkomumenginu (Ω).

Sundurlægir atburðir

Ef að sniðmengi tveggja atburða er tómt, þá eru atburðirnir kallaðir sundurlægir. Það er að segja, ef að A og B eru atburðir, þá eru þeir sundurlægir ef og aðeins ef $A\cap B=\emptyset$.

Dæmi

Klassískt dæmi er að varpa hlutkesti - sex hliða teningur, þar sem að líkurnar á hverri hlið teningsins er 1/6. Möguleikarnir eru $\Omega =\{1,2,3,4,5,6\}$. Þá eru hugsanlegir atburðir öll hugsanleg hlutmengi í $\Omega$, til dæmis {1}, {jákvæðar tölur}, {tölur hærri en 3} og {3, 4}.

Í Lottó 5-38 eru 38 mögulegar tölur, og mengi allra hugsanlegra útkoma $\Omega =\{1,2,...,37,38\}$. Nú er einhver þátttakandi í lottóinu með röðina 4 - 12 - 19 - 30 - 31 á lottómiðanum sínum. Þá vonast hann eftir að atburðurinn $\{4,12,19,30,31\}$ endurtaki sig fimm sinnum, því þá hefur hann unnið til fyrsta vinnings.

Les joueurs de carte eftir Paul Cézanne (1892-95).

Sé spilastokkur tekinn, með 52 spilum ásamt tveimur jókerum, og eitt spil valið af handahófi úr stokknum, þá eru hér tíundaðir nokkrir hugsanlegir atburðir:

• Mannspil kemur upp (atburðurinn hefur 12 stök).
• Fjarki kemur upp (atburðurinn hefur 4 stök).
• Rautt spil kemur upp (26 stök).
• Hjarta-tían kemur upp (1 stak).
• Spil kemur upp sem er hvorki rautt né svart, og er ekki jóker (0 stök. Líkindin á þessum atburði eru engir).

Heimildir

• Fyrirmynd greinarinnar var „Event (probability theory)“ á ensku útgáfu Wikipedia. Sótt 10. janúar 2006.